0
0
പാസ്പോർട്ട് സേവ നിരക്ക് വർദ്ധനവ് : കാസർഗോഡ് ട്രാവൽ ഏജൻസീസ് അസോസിയേഷൻ പ്രതിഷേധ ധർണ്ണ സംഘടിപ്പിച്ചു
കാസറഗോഡ്:വർദ്ധിപ്പിച്ച പാസ്പോർട്ട് സേവന നിരക്കുകൾ പിൻവലിക്കണമെന്ന് ആവശ്യപ്പെട്ട് കാസറഗോഡ് ട്രാവൽ ഏജൻസീസ് അസോസിയേഷൻ (KTA) ഹെഡ് പോസ്റ്റ് ഓഫീസ് ധർണ്ണ നടത്തി.
കാസറഗോഡ് എം പി ശ്രീ.രാജ്മോഹൻ ഉണ്ണിത്താൻ ഉദ്ഘാടനം നിർവഹിച്ചു .പാസ്പോർട്ട് നിരക്ക് വർദ്ധന ഉടൻ പിൻവലിക്കണമെന്ന് അദ്ദേഹം ആവശ്യപ്പെട്ടു. മനാഫ് നുള്ളിപ്പാടി അധ്യക്ഷത വഹിച്ചു. അബ്ദുള്ള മൗലവി, റഹ്മാൻ, സുനിൽ, സലാം പ്രസംഗിച്ചു.
പാസ്പോർട്ട് ഫീസ് വർദ്ധനവിനെതിരെ കാസറഗോഡ് ഉൾപ്പെടെയുള്ള സ്ഥലങ്ങളിൽ പ്രവാസികൾക്കിടയിൽ നിന്നും യാത്രക്കാരിൽ നിന്നും വ്യാപകമായ പ്രതിഷേധമാണ് ഉയരുന്നത്. ഫീസ് കുത്തനെ കൂട്ടിയ കേന്ദ്ര സർക്കാർ നടപടി സാധാരണക്കാരെയും വിദേശത്തേക്ക് പോകാൻ ഒരുങ്ങുന്നവരെയും പ്രതിസന്ധിയിലാക്കുമെന്ന് ചൂണ്ടിക്കാട്ടിയാണ് പ്രതിഷേധങ്ങൾ.
പ്രധാന വിവരങ്ങൾ:
നിരക്ക് വർദ്ധന: 36 പേജുള്ള പുതിയ പാസ്പോർട്ട് ഫീസ് 1,500 രൂപയിൽ നിന്ന് 2,500 രൂപയാക്കി ഉയർത്തി. 60 പേജുള്ള പാസ്പോർട്ടിന് 2,000 രൂപയിൽ നിന്ന് 3,500 രൂപയായും വർദ്ധിപ്പിച്ചിട്ടുണ്ട്.
തത്കാൽ നിരക്കുകൾ: തത്കാൽ വഴിയുള്ള പാസ്പോർട്ടിന് 36 പേജുള്ളതിന് 5,000 രൂപയും, 60 പേജുള്ളതിന് 6,000 രൂപയുമാണ് പുതിയ നിരക്ക്.
കേടുപാടുകൾ സംഭവിച്ചവ/നഷ്ടപ്പെട്ടവ: കേടുപാടുകൾ സംഭവിച്ചതോ നഷ്ടപ്പെട്ടതോ ആയ പാസ്പോർട്ടുകൾ മാറ്റാൻ 4,250 രൂപ മുതൽ 8,500 രൂപ വരെ ഈടാക്കും.
പ്രതിഷേധങ്ങൾ: പ്രവാസികളെയും സാധാരണക്കാരെയും ഒരുപോലെ ബാധിക്കുന്ന ഈ വർദ്ധനവിനെതിരെ വിവിധ രാഷ്ട്രീയ സംഘടനകളും പ്രവാസി കൂട്ടായ്മകളും രംഗത്തെത്തിയിട്ടുണ്ട്. ഇതിനെതിരെ സോഷ്യൽ മീഡിയകളിലും പ്രതിഷേധങ്ങൾ ശക്തമാണ്.
ഇളവുകൾ: 8 വയസ്സുവരെയുള്ള കുട്ടികൾക്കും 60 വയസ്സിന് മുകളിലുള്ള മുതിർന്ന പൗരന്മാർക്കും പുതിയ പാസ്പോർട്ട് അപേക്ഷകളിൽ 10% ഇളവ് ലഭിക്കും.
