0
0
കാസറഗോഡിന് പ്രഥമ പരിഗണന;കാസറഗോഡിനെ കൈവിടില്ലെന്ന് മുഖ്യമന്ത്രിയുടെ ഉറപ്പ്
കാസറഗോഡ് ജില്ലയുടെ പ്രശ്നങ്ങൾക്ക് പ്രഥമ പരിഗണന നൽകുമെന്ന് മുഖ്യമന്ത്രി പി. പി. സതീശൻ. ജില്ലയുടെ 40-ാം പിറന്നാൾ ദിനത്തിൽ മുഖ്യമന്ത്രിക്ക് എഴുതിയ തുറന്ന കത്ത് പ്രസിദ്ധീകരിച്ച മെട്രോ മനോരമ സ്വീകരിച്ചശേഷം പ്രതികരിക്കുകയായിരുന്നു അദ്ദേഹം. കാസറഗോഡ് ജില്ലയിലെ പ്രശ്നങ്ങൾ മനസ്സിലുണ്ടെന്നും അവ ഘട്ടംഘട്ടമായി പരിഹരിക്കുമെന്നും അദ്ദേഹം പറഞ്ഞു. കൊച്ചിയിൽ നല്ലപാലം ഗ്രൗണ്ട് ഉദ്ഘാടനം ചെയ്യാനെത്തിയതായിരുന്നു മുഖ്യമന്ത്രി. മെട്രോ മനോരമയിൽ പ്രസിദ്ധീകരിച്ച വിഷയങ്ങൾ പരിശോധിച്ച് നടപടി സ്വീകരിക്കുമെന്ന് അദ്ദേഹം ഉറപ്പു നൽകി. മെഡിക്കൽ കോളജിൽ കിടത്തി ചികിത്സ ആരംഭിക്കാത്തത് ഉൾപ്പെടെ ആരോഗ്യ മേഖലയിലെ പ്രശ്നങ്ങൾ, എൻഡോസൾഫാൻ ഗ്രാമം പദ്ധതി വൈകുന്നത്, കാലവർഷത്തിൽ തീരദേശമേഖല അനുഭവിക്കുന്ന കടലാക്രമണ ഭീഷണി, ആശുപത്രി സ്ഥാപിക്കുന്നത് സംബന്ധിച്ച് കേന്ദ്ര സർക്കാരിനു നൽകുന്ന പട്ടികയിൽ കാസർകോടിനെ ഉൾപ്പെടുത്താത്തത്, ജില്ലയിൽ വേണ്ടത്ര പ്രൊഫഷണൽ കോഴ്സുകൾ ഇല്ലാത്തതിന്റെ ദുരിതം, മലയോര ഹൈവേ രണ്ടിടങ്ങളിൽ പണി മുടങ്ങിയത്, കാർഷിക മേഖലയിൽ വിളകൾക്കു വില ലഭിക്കാത്തതും രോഗഭീഷണിയും, വൈദ്യുത മേഖലയിലെ പ്രശ്നങ്ങൾ, ടൂറിസം വികസനവും നദികളുടെ സംരക്ഷണവും തുടങ്ങി വിവിധ വിഷയങ്ങളുന്നയിച്ചാണ് മുഖ്യമന്ത്രിക്ക് തുറന്ന കത്ത് കഴിഞ്ഞദിവസം മെട്രോ മനോരമയിൽ പ്രസിദ്ധീകരിച്ചത്.കാസർകോടിന്റെ വികസന ആവശ്യങ്ങൾ ചൂണ്ടിക്കാട്ടി മുഖ്യമന്ത്രിക്ക് എഴുതിയ തുറന്ന കത്ത് പ്രസിദ്ധീകരിച്ച മെട്രോ മനോരമ, എഡിറ്റോറിയൽ ഡയറക്ടർ ജോസ് പനച്ചിപ്പുറം മുഖ്യമന്ത്രി പി.പി. സതീശന് കൈമാറി. ചീഫ് റിപ്പോർട്ടർ നവാസ് പി. മുഹമ്മദ് കൂടെയുണ്ടായിരുന്നു.
1984 മെയ് 24നാണ് കാസർകോട് ജില്ല രൂപീകരിച്ചത്. ജില്ലാ ഭരണകൂടത്തിന്റെ അടക്കം നേതൃത്വത്തിൽ ഇന്നലെ ജില്ല പിറന്നാൾ ആഘോഷിച്ചിരുന്നു. 42 വയസ്സ് പിന്നിട്ടും ജില്ല ഇപ്പോഴും പിന്നാക്കാവസ്ഥ തുടരുകയാണ്. വികസന പദ്ധതികൾക്കു ജില്ലയിൽ ആവശ്യത്തിന് ഭൂമിയുണ്ടെന്ന കാര്യവും മുഖ്യമന്ത്രിയ്ക്കുള്ള കത്തിൽ മെട്രോ മനോരമയിൽ വിശദീകരിച്ചിരുന്നു. കാസർകോട് മെഡിക്കൽ കോളജിൽ കിടത്തി ചികിത്സ വൈകുന്നത് സംബന്ധിച്ച വിഷയവും മുഖ്യമന്ത്രിയുടെ ശ്രദ്ധയിൽപ്പെടുത്തി.
