ഒമിക്രോൺ ഭീതി: ഇന്ത്യയിലെ വിവിധ നഗരങ്ങളിൽ രാത്രി കർഫ്യൂ അടക്കം കർശന നിയന്ത്രണങ്ങളിലേക്ക്
മുംബൈ: ഒമിക്രോൺ വ്യാപനം രൂക്ഷമായ സാഹചര്യത്തിൽ കടുത്ത നിയന്ത്രണങ്ങളിലേക്ക് മുംബൈയും. രാത്രി കർഫ്യൂ, വിവാഹാഘോഷങ്ങൾക്ക് നിയന്ത്രണം ഉൾപ്പെടെ നിയന്ത്രണങ്ങളാണ് മുംബൈയിൽ ഏർപ്പെടുത്താനൊരുങ്ങുന്നത്.
മഹാരാഷ്ട്രയിൽ റിപ്പോർട്ട് ചെയ്യപ്പെടുന്ന ഒമിക്രോൺ കേസുകളിൽ 50 ശതമാനവും മുംബൈയിൽ നിന്നായതിന്റെ പശ്ചാത്തലത്തിൽ ബ്രിഹൻ മുംബൈ മുൻസിപ്പൽ കോർപ്പറേഷൻറേതാണ് (ബി.എം.സി) തീരുമാനം. ഇതിൽ രാത്രി കർഫ്യൂ അടക്കം ഉണ്ടാകുമെന്നാണ് റിപ്പോർട്ട്.
ക്രിസ്മസ്, പുതുവത്സര ആഘോഷങ്ങൾ ഒഴിവാക്കുന്നതുൾപ്പെടെ വിഷയങ്ങളിൽ മഹാരാഷ്ട്ര മുഖ്യമന്ത്രി ഉദ്ധവ് താക്കറെ സംസ്ഥാന കോവിഡ് ടാസ്ക് ഫോഴ്സുമായി ചർച്ച നടത്തിയിട്ടുണ്ട്.
ഉത്തർ പ്രദേശിൽ നാളെ മുതൽ രാത്രി കർഫ്യൂ ഏർപ്പെടുത്തിയിരിക്കുകയാണ്. ഇതിനുപിന്നാലെയാണ് ബ്രിഹൻ മുംബൈ മുൻസിപ്പൽ കോർപ്പറേഷൻ നാളെ മാർഗ നിർദേശങ്ങൾ പുറപ്പെടുവിക്കുന്നത്.