ചെന്നൈ: പ്രമുഖ പിന്നണി ഗായകന് എസ് പി ബാലസുബ്രഹ്മണ്യത്തിന് കോവിഡ് സ്ഥിരീകരിച്ചു. ചെന്നൈയിലെ സ്വകാര്യ ആശുപത്രിയില് ബാലസുബ്രഹ്മണ്യത്തെ പ്രവേശിപ്പിച്ചുവെന്നാണ് റിപ്പോര്ട്ട്. ആരോഗ്യനില തൃപ്തികരമാണ്. ഫേസ്ബുക്ക് പേജിലൂടെ എസ്പിബിയാണ് രോഗവിവരം അറിയിച്ചത്.
കുറച്ച് ദിവസമായി നെഞ്ച് വേദനയും ജലദോഷവും പനിയുമുണ്ടായിരുന്നുവെന്നും പിന്നീട് കോവിഡ് ടെസ്റ്റ് ചെയ്തുവെന്നും ഫേസ്ബുക്കിലെ വിഡിയോയില് എസ്പിബി പറഞ്ഞു.
ജലദോഷവും പനിയുമാണുള്ളത്. രണ്ട് ദിവസം കൊണ്ട് ആശുപത്രി വിടും. മരുന്നുകള് കൃത്യമായി കഴിക്കാനും വിശ്രമത്തിനും വേണ്ടിയാണ് ആശുപത്രിയില് എത്തിയത്. അസുഖത്തെക്കുറിച്ച് അന്വേഷിച്ച എല്ലാവര്ക്കും നന്ദി.വീട്ടില് നിരീക്ഷണത്തില് ആകാമായിരുന്നു, എന്നാല് വീട്ടുകാരുടെ ആരോഗ്യത്തില് ശ്രദ്ധയുള്ളതിനാലാണ് ആശുപത്രിയില് അഡ്മിറ്റ് ആയതെന്നും അദ്ദേഹം ഫേസ്ബുക്കിലെ വിഡിയോയില് പറയുന്നു.