0
0
യു.എ.ഇ ദേശീയദിനം : നാലു ദിവസം അവധി ലഭിക്കും
ദുബൈ : യു.എ.ഇയുടെ 50 -ാം വാർഷിക ദിനമായ ഈ വർഷത്തെ ദേശീയദിനാഘോഷത്തോ ടനുബന്ധിച്ച് നാലുദിവസം അവധി ലഭിക്കും . ഡിസംബർ ഒന്ന് മുതൽ നാല് വരെയുള്ള ദിവസങ്ങളാണ് ആഘോഷത്തിനായി ലഭിക്കുക . സുവർണ ജൂബിലി വർഷത്തെ ദേശീയ ദിനാഘോഷ പരിപാടികളിൽ പങ്കെടുക്കുന്നവർ പാലിക്കേണ്ട കോവിഡ് മാനദണ്ഡങ്ങൾ കഴിഞ്ഞ ദിവസം ദേശീയ അടിയന്തര ദുരന്തനിവാരണ സമിതി ( എൻ.സി.ഇ.എം.എ ) പുറത്തിറക്കിയിട്ടുണ്ട് . വാക്സിനേഷൻ പൂർത്തിയാക്കുകയോ അൽഹുസ്ൻ ആപ്പിൽ ഗ്രീൻ പാസ് ഉള്ളവർക്കുമാണ് ആഘോഷ പരിപാടികളിൽ പ്രവേശനം അനുവദിക്കുക . പങ്കെടുക്കുന്നവർ 96 മണിക്കൂറിനുള്ളിൽ നടത്തിയ കോവിഡ് പരിശോധനയുടെ നെഗറ്റിവ് ഫലം ഹാജരാക്കണമെന്നും പരിപാടിയിൽ പ്രവേശി ക്കുന്നതിനുമുമ്പ് താപനില പരിശോധിക്കണമെന്നും അധികൃതർ വ്യക്തമാക്കി . പരിപാടികൾ ഒരുക്കുന്ന വേദികളിൽ 80 ശതമാനം ശേഷിയോടെ ആളുകളെ പ്രവേശിപ്പിക്കാം . എന്നാൽ , പങ്കെടുക്കുന്നവർ എല്ലാവരും മാസ്ക് ധരിക്കലും സാമൂഹിക അകലം പാലിക്കലും നിർബന്ധമാണ് . ഒരേ കുടുംബത്തിലെ അംഗങ്ങൾക്ക് ഒരുമിച്ചിരിക്കാൻ അനുവാദമുണ്ടാകും . ഹസ്തദാനവും ആലിംഗനവും ഒഴിവാക്കണമെന്നും നിർദേശിച്ചിട്ടുണ്ട് .
