0
0
ലോകത്തിലെ ഏറ്റവും ഉയരം കൂടിയ റെസിഡൻഷ്യൽ ടവർ എന്ന റെക്കോർഡ് സ്വന്തമാക്കാൻ ദുബായിൽ വരുന്നു “ബുർജ് ബിൻഹാട്ടി”
ദുബായിൽ ലോകത്തിലെ ഏറ്റവും ഉയരം കൂടിയ റെസിഡൻഷ്യൽ സ്ട്രക്ചർ വികസിപ്പിക്കുന്നതിനുള്ള ഒരു പ്രോജക്റ്റ് ബുർജ് ബിൻഹാട്ടി ജേക്കബ് & കോ റെസിഡൻസസ് പ്രഖ്യാപിച്ചു . ദുബായ് ആസ്ഥാനമായുള്ള രണ്ട് റിയൽ എസ്റ്റേറ്റ് ഡെവലപ്പർമാരായ “ ബിൻഹാട്ടി ജേക്കബ് & കോ റെസിഡൻസസ് ” എന്ന പേരിലാണ് ഈ പ്രോജക്റ്റ് പ്രഖ്യാപിച്ചിരിക്കുന്നത് . 100 – ലധികം നിലകളുമായി ” ബുർജ് ബിൻഹാട്ടി എന്ന ടവർ ഉയരത്തിൽ നിലവിലെ ഏറ്റവും ഉയരം കൂടിയ ന്യൂയോർക്കിലെ സെൻട്രൽ പാർക്ക് ടവറിനെ മറികടക്കും . നവംബർ 16 – ന് കൊക്കകോള അരീനയിൽ നടന്ന ആഘോഷമായ ലോഞ്ച് പരിപാടിയിലാണ് ടവറിന്റെ കൂടുതൽ വിവരങ്ങൾ വെളിപ്പെടുത്തിയത് . റിയൽ എസ്റ്റേറ്റ് , വാച്ച് മേക്കിംഗ് മേഖലകളിലെ രണ്ട് ആഗോള ബ്രാൻഡുകൾ തമ്മിൽ ഒരുമിച്ചുള്ള ഇത്തരത്തിലുള്ള ഒരു പ്രൊജക്റ്റ് യു എ ഇയിൽ ആദ്യത്തേതാണ് . ബിസിനസ് ബേയിലാണ് ഈ റസിഡൻഷ്യൽ ടവർ ഉയരുക . ആഡംബരപൂർണ്ണമായ രണ്ട് കിടപ്പുമുറികളും മൂന്ന് കിടപ്പുമുറികളുമുള്ള മാതൃകയിലാണ് ഓരോ നിലകളും ഒരുങ്ങുന്നത് . ഈ റസിഡൻഷ്യൽ ടവറിന്റെ കൃത്യമായ ഉയരം എത്രയായിരിക്കും എന്നത് സംബന്ധിച്ച് വ്യക്തമായ വിവരങ്ങൾ അധികൃതർ ഇത് വരെ പുറത്ത് വിട്ടിട്ടില്ല .“ സമാനതകളില്ലാത്ത അംബരചുംബികൾ ലോകത്തിലെ ഏറ്റവും ഉയരം കൂടിയ 99 റെസിഡൻഷ്യൽ നിർമ്മാണങ്ങളിൽ ഒന്നായി ഒരു റെക്കോർഡ് സ്ഥാപിക്കാൻ ലക്ഷ്യമിടുന്നു , ബിൻഹാട്ടി പ്രസ്താവനയിൽ പറയുന്നു .
