0
0
എയിംസ്:പ്ലക്കാര്‍ഡ് സമരം; മുഖ്യമന്ത്രി വഴിമാറി പോയി
മുഖ്യമന്ത്രി കെല്‍ ഉദ്ഘാടനത്തിന് പോകുന്ന സമയം നോക്കി ചൗക്കി പെരിയടുക്കത്ത് എയിംസ് സമര പ്രവര്‍ത്തകര്‍ മുഖ്യമന്ത്രി അറിയുന്നതിന് പ്ലക്കാര്‍ഡുകളുമായി പ്രതീക്ഷിച്ചു നിന്നുവെങ്കിലും മുഖ്യമന്ത്രി മറ്റൊരു വഴിയിലൂടെ ഉദ്ഘാടന വേദിയിലെത്തി. മൊഗ്രാല്‍ – പുത്തൂര്‍ പന്നിക്കുന്ന് വഴിയാണ് മുഖ്യമന്ത്രി വേദിയിലെത്തിയത്. എയിംസ് പ്രൊപ്പൊസലില്‍ കാസറഗോഡ് ജില്ലയുടെ പേര് ചേര്‍ക്കണമെന്നാവശ്യപ്പെട്ടുകൊണ്ട് മാസങ്ങളായി നടത്തുന്ന അനിശ്ചിതകാല നിരാഹാര സമരത്തെ അവഗണിക്കുന്നതില്‍ പ്രതിഷേധിക്കാന്‍ വേണ്ടി കൂടിയാണ് എയിംസ് ജനകീയ കൂട്ടായ്മ പ്ലക്കാര്‍ഡ് സമരം സംഘടിപ്പിച്ചത്. ആനന്ദന്‍ പെരുമ്പള, താജുദ്ദീന്‍ പടിഞ്ഞാറ്, അബ്ദുള്‍ റഹിമാന്‍ ബന്ദിയോട്, ഗീത ജോണി എന്നിവര്‍ സംസാരിച്ചു. സിസ്റ്റര്‍ ജയആന്റോ മംഗലത്ത് സ്വാഗതവും ഫറീന കോട്ടപ്പുറം നന്ദിയും പറഞ്ഞു. ഗണേശന്‍ അരമങ്ങാനം, ജമീല അഹമ്മദ്, കരീം ചൗക്കി, സലീം ചൗക്കി, ഹമീദ് ചേരങ്കൈ, ഷാഫി കല്ലുവളപ്പില്‍, ഖദീജ, സഫ്രീന, മുരളിധരന്‍ പടന്നക്കാട്, ശുക്കൂര്‍ കണാജെ, മഹമൂദ കൈക്കമ്പ, ഷെറീഫ് മുഗു ,ഗീത. ജി. തോപ്പില്‍, ബഷീര്‍ കൊല്ലമ്പാടി, ഹക്കീം ബേക്കല്‍ എന്നിവര്‍ നേതൃത്വം നല്‍കി.
