1
0
ഓസ്ട്രേലിയയില്‍ നടക്കേണ്ടിയിരുന്ന ടി20 ലോകകപ്പ് മാറ്റി വയ്ക്കുകയാണെന്ന് തീരുമാനിച്ച്‌ ഐസിസി. ഇന്ന് ചേര്‍ന്ന ബോര്‍ഡ് മീറ്റിംഗിലാണ് തീരുമാനം. കോവിഡ് വ്യാപനം അതി രൂക്ഷമായിക്കൊണ്ടിരിക്കുന്ന സാഹചര്യത്തിലാണ് ഈ തീരുമാനം. ഒക്ടോബര്‍ 18 മുതല്‍ നവംബര്‍ 15 വരെ ആയിരുന്നു ടൂര്‍ണ്ണമന്റ് നടക്കേണ്ടിയിരുന്നത്. ഓസ്ട്രേലിയന്‍ പട്ടണങ്ങളായ സിഡ്നിയിലും മെല്‍ബേണിലും സ്ഥിതി വഷളാകുന്ന സാഹചര്യത്തിലാണ് ഈ തീരുമാനം.
ഓസ്ട്രേലിയന്‍ ക്രിക്കറ്റ് അസോസ്സിയേഷന്‍ നേരത്തെ തന്നെ വിസ്സമ്മതം അറിയിച്ചുവെങ്കിലും ഐസിസി അന്തിമ തീരുമാനം എടുക്കാതെ കാത്തിരിക്കുകയായിരുന്നു. ഐസിസി ഈ വര്‍ഷത്തെ ലോകകപ്പ് ഇന്ത്യയില്‍ നടത്തണമെന്ന പക്ഷക്കാരായിരുന്നുവെങ്കിലും ഇന്ത്യയിലും കേസുകള്‍ വര്‍ദ്ധിക്കുവാന്‍ തുടങ്ങിയതോടെയാണ് ഈ തീരുമാനത്തിലേക്ക് ബോര്‍ഡ് എത്തിചേര്‍ന്നത്.
2021 ഒക്ടോബര്‍ നവംബറിലാവും ടൂര്‍ണ്ണമെന്റ് ഇനി നടക്കുക എന്ന് ഐസിസി അറിയിച്ചിട്ടുണ്ട്. സമാനമായ രീതിയില്‍ വേറെയും ടൂര്‍ണ്ണമെന്റുകളില്‍ മാറ്റം വരുത്തിയിട്ടുണ്ട്.
