0
0
ന്യൂഡൽഹി:
ടിക് ടോക് അടക്കമുള്ള 59 ചൈനീസ് ആപ്പുകൾ രാജ്യത്ത് നിരോധിച്ചു. രാജ്യസുരക്ഷയ്‌ക്ക് ഭീഷണിയാണെന്ന് ചൂണ്ടിക്കാട്ടിയാണ് കേന്ദ്ര ഐടി വകുപ്പിൻ്റെ തീരുമാനം. ഐടി ആക്ടിന്‍റെ 69 എഎ വകുപ്പ് പ്രകാരമാണ് നിരോധനം വന്നിരിക്കുന്നത്.
ചൈനീസ് ആപ്പുകൾ രാജ്യത്തിൻ്റെ പ്രതിരോധ സംവിധാനത്തിനും സുരക്ഷയ്‌ക്കും തിരിച്ചടിയാകുന്നുണ്ട്. ഈ സാഹചര്യത്തിൽ ഇവയ്‌ക്ക് നിരോധനം ഏർപ്പെടുത്തുകയാണെന്നും സർക്കാർ വൃത്തങ്ങൾ വ്യക്തമാക്കി.
ഇന്ത്യ – ചൈന ബന്ധം താറുമാറായതോടെയാണ് ചൈനീസ് ആപ്പുകൾ നിരോധിക്കാൻ ഇന്ത്യ തീരുമാനം സ്വീകരിച്ചത്. ചൈനയ്‌ക്കെതിരെയുള്ള നടപടികൾ ഇന്ത്യ കൂടുതൽ ശക്തമാക്കുകയാണ്
നിരോധിച്ച ആപ്പുകൾ ഇവയെല്ലാം: ടിക്ടോക്, ഷെയര്‍ ഇറ്റ്, യുസി ബ്രൗസര്‍, ബൈദു മാപ്പ്, ഷെയന്‍, ക്ലാഷ് ഓഫ് കിങ്‍സ്‍, ഡിയു ബാറ്ററി സേവര്‍, ഹെലോ, ലൈകീ, യൂക്യാം മേക്കപ്പ്, എംഐ കമ്യൂണിറ്റി, സിഎം ബ്രൗസര്‍, വൈറസ് ക്ലീനര്‍, എപിയുഎസ് ബ്രൗസര്‍, റോംവീ, ക്ലബ് ഫാക്റ്ററി, ന്യൂസ്‍ഡോഗ്‍, ബ്യൂട്ടി പ്ലസ്, വീചാറ്റ്, യുസി ന്യൂസ്, ക്യുക്യു മെയില്‍, വീബോ, എക്സ്എന്‍ഡര്‍, ക്യുക്യു മ്യൂസിക്, ക്യുക്യു ന്യൂസ്‍ഫീഡ്, ബിഗോലൈവ്, സെല്‍ഫി സിറ്റി, മെയില്‍ മാസ്റ്റര്‍, പാരലല്‍ സ്പേസ്, എംഐ വീഡിയോകോള്‍ – ഷവോമി, വീസിങ്ക്, ഇഎസ് ഫയല്‍ എക്സ്പ്ലോറര്‍, വിവ വീഡിയോ – ക്യുയു വീഡിയോ ഇന്‍ക്, മെയ്റ്റു, വീഡിയോ വീഡിയോ, ന്യൂ വീഡിയോ സ്റ്റാറ്റസ്, ഡിയു റെക്കോര്‍ഡര്‍, വോള്‍ട്ട്-ഹൈഡ്, കാഷെ ക്ലീനര്‍ ഡിയു ആപ് സ്റ്റുഡിയോ, ഡിയു ക്ലീനര്‍, ഡിയു ബ്രൗസര്‍, ഹാഗോ പ്ലാ വിത് ന്യൂ ഫ്രണ്ട്സ്‍, ക്യാം സ്‍കാനര്‍, ക്ലീന്‍ മാസ്റ്റര്‍ ചീറ്റ മൊബൈല്‍, വണ്ടര്‍ ക്യാമറ, ഫോട്ടോ വണ്ടര്‍, ക്യുക്യു പ്ലയര്‍, വീ മീറ്റ്. സ്വീറ്റ് സെല്‍ഫി, ബൈദു ട്രാന്‍സ്‍ലേറ്റ്, വീമേറ്റ്, ക്യുക്യു ഇന്‍റര്‍നാഷണല്‍, ക്യുക്യു സെക്യൂരിറ്റി സെന്‍റര്‍, ക്യുക്യൂ ലോഞ്ചര്‍, യൂ വീഡിയോ, വി ഫ്ലൈ സ്റ്റാറ്റസ് വീഡിയോ, മൊബൈല്‍ ലെജന്‍ഡ്‍സ്‍, ഡിയു പ്രൈവസി.
