0
0
പി.ഡി.പി പതാകദിനം ; കാസർഗോഡ് റിലീഫ് പ്രവർത്തനങ്ങൾക്ക് തുടക്കം
ബദിയടുക്ക: പീപ്പിൾസ് ഡെമോക്രാറ്റിക് പാർട്ടി പിഡിപി പതാക ദിനത്തോടനുബന്ധിച്ച് 2022 ഏപ്രിൽ 14 ന് 15 ദിവസങ്ങളോളം നീണ്ടുനിൽക്കുന്ന റിലീഫ് പ്രവർത്തനങ്ങൾക്ക് ബദിയടുക്ക പാർട്ടി ഓഫീസിൽ തുടക്കം കുറിച്ചു .
സമൂഹത്തിലെ നിർധനരും നിരാലംബരുമായ കുടുംബങ്ങൾക്ക് റംസാൻ വിഷു സാന്ത്വന കിട്ടുകൾ നൽകിക്കൊണ്ടായിരുന്നു പിഡിപി കാസർകോട് ജില്ലാ കമ്മിറ്റിയുടെ നേതൃത്വത്തിൽ രണ്ടാഴ്ച്ചകളോളം നീണ്ടുനിൽക്കുന്ന സാന്ത്വന പ്രവർത്തനങ്ങൾക്ക് ആരംഭം കുറിച്ചത് .
പിഡിപി കാസർകോട് ജില്ലാ പ്രസിഡന്റ് എസ് എം ബഷീർ അഹ്മദ് ന്റെ അധ്യക്ഷതയിൽ നടന്ന പരിപാടി പി ഡി പി സംസ്ഥാന സെക്രട്ടറി പി എം സുബൈർ പടുപ്പു ഉദ്ഘാടനം ചെയ്തു.
പാർട്ടി പ്രമുഖ നേതാക്കളായ ഷാഫി ഹാജി അടൂർ മൊയ്തു ബേക്കൽ അബ്ദുള്ള ബദിയടുക്ക ഗീതാ ജോൺ ഇബ്രാഹിം കോളിയടുക്കം ഉസ്മാൻ ഉദുമ ഇബ്രാഹിം പാവൂർ റഫീഖ് മഞ്ചേശ്വരം മൂസാ അടുക്കം ഫാറൂഖ് പച്ചമ്പള അബ്ദുല്ല ഊജന്തടി തുടങ്ങിയവർ സംസാരിച്ചു പിഡിപി ജില്ലാ ഉപാധ്യക്ഷൻ കെ പി മുഹമ്മദ് പ്രതിജ്ഞ ചൊല്ലിക്കൊടുത്തു പിഡിപി കാസർകോട് ജില്ലാ സെക്രട്ടരി യൂനുസ് തളങ്കര സ്വാഗതവും ജില്ലാ ജോയിൻ സെക്രട്ടറി ജാസി പോസോട്ട് നന്ദിയും പറഞ്ഞു.
