0
0
എം.പി.എൽ 2021: ഫുട്ബോൾ കിരീടം ചൂടി എഫ് സി ലാ ഫ്രീക കുബണൂർ, എഫ് സി മണിമുണ്ട റണ്ണേഴ്‌സ് അപ്പ്
ദുബൈ: ദുബായ് കെ എം സി സി മംഗൽപാടി പഞ്ചായത്ത് കമ്മിറ്റി സംഘടിപ്പിക്കുന്ന മെഗാ ഇവൻറ്സിന്റെ ഭാഗമായി നടന്ന ഫുട്ബാൾ ടൂർണമെന്റിൽ എഫ് സി ലാ ഫ്രീക കുബണൂർ ജേതാക്കളായി.
ദുബൈ ഖിസൈസിലെ വുഡ്ലെം പാർക്ക് സ്കൂൾ ഗ്രൗണ്ടിൽ മംഗൽപാടി പഞ്ചായത്തിലെ 8 ടീമുകളെ പങ്കെടുപ്പിച്ച് നടത്തിയ ടൂർണമെന്റിലെ വാശിയേറിയ ഫൈനൽ മത്സരം സമനിലയിൽ കലാശിച്ചപ്പോൾ നറുക്കെടുപ്പിലൂടെയാണ് വിജയിയെ തീരുമാനിച്ചത്. എഫ് സി മണിമുണ്ടയാണ് റണ്ണേഴ്‌സ് അപ്പ്.
ഫെയർ പ്ലേയ് അവാർഡിന് ഡ്രൈവ് സെവൻ അർഹരായി. ക്ലബ് ബേരിക്കൻസിന്റെ നിഹാദിനെ എമർജിങ് പ്ലെയറായി തിരഞ്ഞെടുത്തു. എഫ് സി ലാ ഫ്രീക കുബണൂറിന്റെ അഷ്ഫാഖ് ഗോൾഡൻ ബാളിനും എഫ് സി മണിമുണ്ടയുടെ സർഫ്രാസ് മാൻ ഓഫ് ദി മാച്ച് അവാർഡിനും അർഹരായി. എഫ് സി ലാ ഫ്രീക കുബണൂറിന്റെ താരങ്ങളായ റൗഫ്, ഹർഷദ് എന്നിവർക്ക് യഥാക്രമം ഗോൾഡൻ ഗ്ലോവ്, ഗോൾഡൻ ബൂട്ട് എന്നിവ സമ്മാനിച്ചു.
മെഗാ ഇവന്റസിനോടനുബന്ധിച്ച് ദുബൈ കെ എം സി സി മംഗൽപാടി പഞ്ചായത്ത് കമ്മിറ്റി സംഘടിപ്പിച്ച രക്തദാന ക്യാമ്പിൽ രക്തം ദാനം ചെയ്തവർക്കുള്ള സർട്ടിഫിക്കറ്റുകൾ ടൂർണമെന്റിൽ വിതരണം ചെയ്തു.
മുസ്ലിം ലീഗ് നേതാക്കളായ എ കെ ആരിഫ്, സയ്യിദ് ഹാദി തങ്ങൾ, കെ എം സി സി യുടെ മണ്ഡലം, ജില്ലാ, സംസ്ഥാന നേതാക്കൾ തുടങ്ങിയവർ സംബന്ധിച്ചു.
