0
0
ഷാര്‍ജ: കരഞ്ഞുപ്രാര്‍ഥിച്ച കൊല്‍ക്കത്ത നൈറ്റ് റൈഡേഴ്സിെന്‍റ പ്രാര്‍ഥന ഐ.പി.എല്‍ ദൈവങ്ങളും മുംബൈ ഇന്ത്യന്‍സും കേട്ടില്ല. ബാറ്റിങ്ങിലും ബൗളിങ്ങിലും സമ്ബൂര്‍ണ ആധിപത്യം പുലര്‍ത്തി മുംബൈയെ തകര്‍ത്ത് ഹൈദരാബാദ് േപ്ല ഓഫിലേക്ക് ഗംഭീരമായി എഴുന്നള്ളി. ഹൈദരാബാദ് ജയിച്ചതോടെ കൊല്‍ക്കത്ത ടൂര്‍ണമെന്‍റില്‍ നിന്നും പുറത്തായി. കൊല്‍ക്കത്തക്കും ബാംഗ്ലൂരിനും ഹൈദരാബാദിനും 14 പോയന്‍റ് വീതമാണ് ഉള്ളതെങ്കിലും റണ്‍റേറ്റില്‍ പിന്നിലായതാണ് കൊല്‍ക്കത്തയെ ചതിച്ചത്. മുംബൈ ഒന്നാംസ്ഥാനക്കാരായും ഡല്‍ഹി രണ്ടാം സ്ഥാനക്കാരായും േപ്ല ഓഫ് ഉറപ്പിച്ചിരുന്നു.
വിജയം നിര്‍ണായകമായ മത്സരത്തില്‍ മുംബൈ ഇന്ത്യന്‍സിനെ എട്ടു വിക്കറ്റ് നഷ്ടത്തില്‍ 149 റണ്‍സില്‍ ചുരുട്ടിെകട്ടിയ ഹൈദരാബാദ് വെറും 17.1 ഓവറില്‍ വിജയലക്ഷ്യം മറികടന്നു. ഒന്നാം വിക്കറ്റില്‍ അടിച്ചുതകര്‍ത്ത ഡേവിഡ് വാര്‍ണറും (58 പന്തില്‍ 85) വൃദ്ധിമാന്‍ സാഹയും (45പന്തില്‍ 58) ചേര്‍ന്ന് ഹൈദരാബാദിനെ അനായാസം വിജയത്തിലെത്തിക്കുകയായിരുന്നു
ടോസ് നഷ്ടപ്പെട്ട് ആദ്യം ബാറ്റ് ചെയ്ത മുംബൈക്ക് തുടക്കം മുതലേ എല്ലാം പിഴച്ചു. പരിക്കിെന്‍റ ഇടവേളക്ക് ശേഷം തിരിച്ചെത്തിയ നായകന്‍ രോഹിത് ശര്‍മയെ (4) മൂന്നാം ഒാവറില്‍ തന്നെ പുറത്താക്കിയാണ് സന്ദീപ് ശര്‍മ തുടങ്ങിയത്. രണ്ടാം വിക്കറ്റില്‍ ക്വിന്‍റണ്‍ ഡികോക്കും (25), സൂര്യ കുമാര്‍ യാവദും (36), പിന്നാലെ ഇഷന്‍ കിഷനും (33) മുംബൈയുെട വിക്കറ്റ് വീഴ്ചക്ക് തടയിെട്ടങ്കിലും വെടിക്കെട്ട് കാഴ്ചകളൊന്നുമില്ലായിരുന്നു. 15 ഒാവറില്‍ മാത്രമാണ് ടീം 100കടന്നത്. അവസാന ഒാവറുകളില്‍ കീരോണ്‍ പൊള്ളാര്‍ഡ് നടത്തിയ വെടിക്കെട്ട് കൂടിയില്ലായിരുന്നെങ്കില്‍ മുംബൈ നാണംകെേട്ടനെ. സന്ദീപ് ശര്‍മ മൂന്നും, ജാസണ്‍ ഹോള്‍ഡര്‍, ഷഹബാസ് നദീം എന്നിവര്‍ രണ്ടും വിക്കറ്റുകള്‍ വീഴ്ത്തി.
നാല് സിക്സറുകളുമായി 25 പന്തില്‍ 41 റണ്‍സാണ് പൊള്ളാര്‍ഡ് കുറിച്ചത്. അവസാന ഒാവറിലാണ് താരം പുറത്തായത്. ക്രുണാല്‍ പാണ്ഡ്യ (0), സൗരഭ് തിവാരി (1), കോള്‍ടര്‍ നീല്‍ (1) എന്നിവര്‍ നിരാശപ്പെടുത്തി.
പേസ് ബൗളര്‍മാരായ ട്രെന്‍റ് ബോള്‍ട്ട്, ജസ്പ്രീത് ബുംറ എന്നിവര്‍ക്ക് വിശ്രമം അനുവദിച്ചാണ് മുംബൈ അവസാന ലീഗ് മത്സരത്തിനിറങ്ങിയത്.
