0
0
മംഗളൂരു: കൊവിഡ് വ്യാപനം നിയന്ത്രണാതീതമായതിനെ തുടര്‍ന്ന് ദക്ഷിണ കന്നഡ ജില്ലയില്‍ വ്യാഴാഴ്ച മുതല്‍ സമ്പൂര്‍ണ്ണ ലോക് ഡൗണ്‍. ഒരാഴ്ചത്തേക്കാണ് ലോക് ഡൗണ്‍ പ്രഖ്യാപിച്ചിരിക്കുന്നത്. ജില്ലയുടെ ചുമതലയുള്ള മന്ത്രി കോട്ട ശ്രീനിവാസ പൂജാരി മുഖ്യമന്ത്രിയുമായി നടത്തിയ ചര്‍ച്ചയെ തുടര്‍ന്നാണ് വിഡിയോ സന്ദേശത്തില്‍ ഇക്കാര്യം വ്യക്തമാക്കിയത്.
മുഖ്യമന്ത്രിയോടും ജില്ലയില്‍ രാഷ്ട്രീയ പ്രതിനിധികളോടും ചര്‍ച്ചയില്‍ ലോക് ഡൗണ്‍ അത്യാവശ്യമാണെന്ന് ബോധ്യപ്പെട്ടതിനെ തുടര്‍ന്നാണ് നടപടി പ്രഖ്യാപിക്കുന്നത്. അതിനാല്‍ സര്‍ക്കാര്‍ തീരുമാനം പൊതുജനങ്ങള്‍ പൂര്‍ണ്ണമായും സഹകരിക്കണമെന്ന് അദ്ദേഹം ആവശ്യപ്പെട്ടു.
അവശ്യ സാധനങ്ങള്‍ വാങ്ങുന്നതിനായി രണ്ടു ദിവസം അനുവദിച്ചിരിക്കുകയാണ്. ജില്ലാ പൂര്‍ണ്ണമായും അടച്ചിടും. കടകളും സ്ഥാപങ്ങളും പ്രവര്‍ത്തിക്കില്ല. അടിയന്തിര ആവശ്യങ്ങള്‍ക്കല്ലാതെ ജനങ്ങള്‍ പുറത്തിറങ്ങാന്‍ അനുവദിക്കില്ല. ബുധനാഴ്ച രാത്രി എട്ടോടെ ലോക് ഡൗണ്‍ പ്രാബല്യത്തില്‍ വരും. ചൊവ്വാഴ്ച മുതല്‍ ബംഗളൂരു, ബംഗളൂരു റൂറല്‍ ജില്ലകളിലും സമ്പൂര്‍ണ്ണ ലോക് ഡൗണ്‍ പ്രഖ്യാപിച്ചിട്ടുണ്ട്. ഉഡുപ്പിയിലും ലോക് ഡൗണ്‍ ഉണ്ടായേക്കുമെന്നാണ് സൂചന.
