ഉപ്പള :
നിരുത്തരപരമായി പെരുമാറുന്നതായും, ഔദ്യോഗിക കൃത്യനിർവഹണം ചെയ്യുന്നതിൽ അലസത കാണിക്കുന്നതായും ചൂണ്ടിക്കാണിച്ചു പഞ്ചായത്ത് സെക്രട്ടറിയെ സ്ഥലം മാറ്റാൻ മംഗൽപാടി പഞ്ചായത്ത് ഭരണസമിതി പ്രമേയം പാസാക്കി.
![](https://haqnews.in/wp-content/uploads/2020/06/FB_IMG_1591625419229-1-823x1024.jpg)
പദ്ധതി പ്രവർത്തനവുമായി ബന്ധപ്പെട്ടും, നികുതി പിരിവുമായി ബന്ധപ്പെട്ടും സെക്രട്ടറി യാതൊരു പ്രവർത്തനവും ചെയ്യുന്നില്ല, ക്വാറിന്റൈൻ പ്രവർത്തനത്തിൽ സഹകരിക്കുന്നില്ല, ജനപ്രതിനിധികളോട് അപമര്യാദയായി പെരുമാറുന്നു, ജനന-മരണ രജിസ്ട്രേഷൻ യഥാസമയം തീർപ്പ് കല്പിക്കുന്നില്ല എന്നീ ആരോപണങ്ങൾ ചൂണ്ടികാണിച്ചാണ് സ്ഥലം മാറ്റാൻ ശിപാർശ നൽകാൻ പ്രമേയം പാസാക്കിയത്.
പ്രത്യേക അജണ്ടയായി ഉൾപ്പെടുത്തിയാണ് ബോർഡ് തീരുമാനം . എന്നാൽ അജണ്ടയെ ബിജെപിയും, സിപിഎമ്മും എതിർത്തു. ബിജെപിയുടെ അഞ്ചു അംഗങ്ങളുടെയും സിപിഎമ്മിന്റെ ഒരു അംഗത്തിന്റെയും വിയോജന കുറിപ്പോടെയാണ് അജണ്ട പാസാക്കിയത്.
23 അംഗങ്ങളിൽ 6 പേർ എതിർത്തപ്പോൾ യുഡിഎഫിന്റെ അംഗങ്ങൾക്ക് പുറമെ മൂന്നു സ്വാതന്ത്രരും അജണ്ടയെ അനുകൂലിച്ചു. ഒരു അംഗം യോഗത്തിലേക്ക് എത്തിയില്ല.