0
0
മുംബൈ: ലോകത്തെ ഏറ്റവും വലിയ ക്രിക്കറ്റ് സ്റ്റേഡിയമായ അഹ്മദാബാദിലെ മൊട്ടേരയിലൂടെ ഇന്ത്യന്‍ ഗാലറികളിലേക്കും കാണികള്‍ തിരികെയെത്തുന്നു.
കോവിഡ് കാലത്ത് അടച്ചുപൂട്ടിയ സ്റ്റേഡിയങ്ങളില്‍ അധികം വൈകാതെ നിയന്ത്രണങ്ങളോടെ പ്രവേശനം നല്‍കാനാണ് നീക്കം. മൊട്ടേര സ്റ്റേഡിയം വേദിയാവുന്ന ഇന്ത്യ-ഇംഗ്ലണ്ട് പരമ്ബരയിലെ ട്വന്‍റി20 മത്സരങ്ങളോടെയാവും കാണികളുടെ തിരിച്ചുവരവ്. മാര്‍ച്ച്‌ 12 മുതലാണ് ട്വന്‍റി20 മത്സരങ്ങള്‍. സര്‍ക്കാറി‍െന്‍റ അനുമതിക്കുശേഷം അന്തിമ തീരുമാനം എടുക്കുമെന്ന് ബി.സി.സി.ഐ ഉദ്യോഗസ്ഥന്‍ അറിയിച്ചു.
ഒരുലക്ഷം പേര്‍ക്ക് ഇരിപ്പിട സൗകര്യമുള്ള മൊട്ടേരയില്‍ സ്റ്റേഡിയം ശേഷിയുടെ 50 ശതമാനം പേര്‍ക്ക് പ്രവേശനാനുമതി നല്‍കാനാണ് നീക്കം.
കോവിഡ് പശ്ചാത്തലത്തില്‍ കര്‍ശന നിയന്ത്രണങ്ങളോടെയാവും കാണികളെ തിരികെയെത്തിക്കുക.
ഫെബ്രുവരിയില്‍ ചെന്നൈയില്‍ ആരംഭിക്കുന്ന ടെസ്റ്റ് പരമ്ബരയില്‍ കാണികള്‍ക്ക് പ്രവേശനമുണ്ടാവില്ലെന്ന് ബി.സി.സി.ഐ നേരത്തേ അറിയിച്ചിരുന്നു. ആദ്യ രണ്ടു ടെസ്റ്റിനുശേഷം, മൂന്നും നാലും മത്സരങ്ങള്‍ക്ക് അഹ്മദാബാദാണ് വേദി. പിന്നാലെ, മാര്‍ച്ച്‌ 12 മുതല്‍ 20 വരെയായി അഞ്ച് ട്വന്‍റി20 മത്സരങ്ങള്‍. മൂന്ന് ഏകദിന മത്സരങ്ങള്‍ക്ക് പുണെ വേദിയാവും.
2020ല്‍ അമേരിക്കന്‍ പ്രസിഡന്‍റ് ഡോണള്‍ഡ് ട്രംപ് ഇന്ത്യ സന്ദര്‍ശിച്ചപ്പോള്‍ വേദിയൊരുക്കിയത് മൊേട്ടര സ്റ്റേഡിയത്തിലായിരുന്നു.
