0
0
ഉപ്പള: മംഗൽപാടി പഞ്ചായത്ത് മാഷ് പദ്ധതി നോഡൽ ഓഫീസർമാരുടെ റിവ്യൂ മീറ്റിങ്ങ് ജി എച്ച് എസ് എസ് ഉപ്പള സ്കൂളിൽ വെച്ച് സെക്ടർ മജിസ്ട്രേറ്റ് വിനോദ് കുമാർ പി ടി യുടെ അധ്യക്ഷതയിൽ ചേർന്നു .
മാഷ് പദ്ധതിയുടെ പ്രവർത്തനം കൂടുതൽ കാര്യക്ഷമമാക്കാൻ വാർഡിലെ വിവിധ പള്ളികൾ , ക്ലബ്ബുകൾ ,കടകൾ ,ഹോട്ടൽ ,കല്യാണ വീട് ,ഹാർബർ തുടങ്ങി പൊതുജനങ്ങൾ കൂടുന്ന ഇടങ്ങളിൽ ബന്ധപ്പെട്ട അധികാരികളെ കണ്ടു ജാഗ്രതാ നിർദ്ധേശം നൽകിയതിൻ്റെ ഫലമായി വലിയ മാറ്റങ്ങൾ ഉണ്ടായിട്ടുണ്ടെന്നുള്ള ചാരിതാർത്ഥ്യം ഓരോ നോഡൽ ഓഫീസർമാരും പങ്കുവെച്ചു.
സെക്ടർ മജിസ്ട്രേറ്റിൻ്റെ നിയമനത്തോടെ മാഷ് പദ്ധതി കൂടുതൽ ചലനാത്മകമായിട്ടുണ്ടെന്ന് യോഗം വിലയിരുത്തി .
കോവിഡ് പ്രോട്ടോകോളിന് വിരുദ്ധമായി പ്രവർത്തിക്കുന്ന വ്യക്തികൾ , കടകൾ , മറ്റു സ്ഥാപനങ്ങൾക്ക് ഇതുവരെ 416 കേസുകളാണ് റിപ്പോർട്ട് ചെയ്തത് .
മാഷ് സ്യൂട്ടിക്കിടെ അധ്യാപകരോട് തട്ടിക്കയറിയവർക്കെതിരെ ജില്ലാ കളക്ടറുടെ നിർദ്ദേശ പ്രകാരം ശക്തമായ നിയമ നടപടി സ്വീകരിച്ചതിൽ യോഗം സന്തോഷമറിയിച്ചു.
കഴിഞ്ഞ ദിവസത്തെ കോവിഡ് പോസിറ്റിവ് എണ്ണത്തിൽ മംഗൽപാടി പഞ്ചായത്ത് പൂജ്യം ആയതിൽ യോഗം സന്തോഷം രേഖപ്പെടുത്തി.
തുടർന്നുള്ള ദിവസങ്ങളിൽ കോവിഡ് ബോധവൽക്കരണത്തിന് പഞ്ചായത്തിൻ്റെ നേതൃത്വത്തിൽ തയ്യാറാക്കിയ സ്റ്റിക്കർ വീടുകൾ തോറും ഒട്ടിക്കാനും ബോധവൽക്കരണ രംഗത്ത് സജീവമാവാനും യോഗം തീരുമാനിച്ചു.
