0
0
യൂത്ത്ലീഗ് ദിനം:സേവനപ്രവർത്തനങ്ങളുമായി മുസ്ലിം യൂത്ത് ലീഗ് മൊഗ്രാൽ പുത്തൂർ പഞ്ചായത്ത് കമ്മിറ്റി
മുസ്ലിം യൂത്ത് ലീഗ് ദിനാചരണത്തോടനുബന്ധിച്ച് മുസ്ലിം യൂത്ത് ലീഗ് മൊഗ്രാൽ പുത്തൂർ പഞ്ചായത്ത് കമ്മിറ്റി സംഘടിപ്പിച്ച രക്തദാന ക്യാമ്പും സൗജന്യ നേത്രപരിശോധന ക്യാമ്പും ശ്രദ്ധേയമായി.
മൊഗ്രാൽ പുത്തൂർ ഡി.പി. വില്ലയിൽ നടന്ന ക്യാമ്പിൽ നിരവധി യുവാക്കളും പൊതുജനങ്ങളും ആവേശപൂർവം പങ്കാളികളായി. ജീവൻ രക്ഷിക്കാൻ സഹായകമാകുന്നരക്തദാനത്തിന്റെ മഹത്തായ സന്ദേശം സമൂഹത്തിലേക്ക് പകർന്നുനൽകുന്നതിനും, പൊതുജനങ്ങളുടെ ആരോഗ്യ സംരക്ഷണത്തിന് പ്രാധാന്യം നൽകുന്നതിനുമായി സംഘടിപ്പിച്ച നേത്രപരിശോധന ക്യാമ്പും ഏറെ പ്രയോജനകരമായി..
സാമൂഹിക പ്രതിബദ്ധതയും സേവന മനോഭാവവും ഉയർത്തിപ്പിടിച്ച് യുവജനങ്ങളെ ജീവകാരുണ്യ പ്രവർത്തനങ്ങളിലേക്ക് കൈപിടിച്ചുയർത്തുന്ന മുസ്ലിം യൂത്ത് ലീഗിന്റെ മാതൃകാപരമായ പ്രവർത്തനങ്ങളിൽ ഒന്നായി ഈ ദിനാചരണം മാറി. വിവിധ നേതാക്കളും പ്രവർത്തകരും ആരോഗ്യ പ്രവർത്തകരും സന്നദ്ധപ്രവർത്തകരും ക്യാമ്പിന് നേതൃത്വം നൽകി.
“സേവനമാണ് സംഘടനയുടെ ശക്തി” എന്ന സന്ദേശം ഉയർത്തിപ്പിടിച്ചുകൊണ്ട് സംഘടിപ്പിച്ച ഈ പരിപാടി, സമൂഹനന്മ ലക്ഷ്യമാക്കിയുള്ള മുസ്ലിം യൂത്ത് ലീഗിന്റെ പ്രവർത്തനങ്ങൾക്ക് കൂടുതൽ കരുത്തേകുന്നതായി മാറി.
