0
0
ദുബൈ: പ്രശ്സ്ത ജെറ്റ്മാന് പൈലറ്റ് വിന്സന്റ് റഫെ (36) അപകടത്തില് മരിച്ചു. ദുബൈയില് പരിശീലനത്തിനിടെയാണ് ഫ്രാന്സുകാരനായ വിന്സിയുടെ മരണം. ചൊവ്വാഴ്ച രാവിലെയാണ് അപകടം. മരുഭൂമിയില് പരിശീലനപറക്കലിനിടെ അപകടത്തില്പെടുകയായിരുന്നു.
മാസങ്ങള്ക്ക് മുന്പ് ദുബൈയിലെ ജുമൈറ ബീച്ചില് നിന്ന് 1800 മീറ്റര് ഉയരത്തിലേക്ക് പറന്നുയര്ന്ന വിന്സിയുടെ വീഡിയോ വൈറലായിരുന്നു.
മലയാളികള് അടക്കം പങ്കാളികളായ ജെറ്റ്മാന് സംഘത്തിെന്റ നേതൃത്വത്തിലായിരുന്നു ഈ പരീക്ഷണപറക്കല്. അത് ചരിത്രത്തിലെ നാഴികക്കല്ലാണെന്നായിരുന്നു ദുബൈ കിരീടാവകാശിയും എക്സിക്യൂട്ടീവ് കൗണ്സില് ചെയര്മാനുമായ ശൈഖ് ഹംദാന് ബിന് മുഹമ്മദ് ബിന് റാശിദ് ആല് മക്തൂം വിശേഷിപ്പിച്ചത്.
ലോകത്തിലെ ഏറ്റവും ഉയരമുള്ള കെട്ടിടമായ ബുര്ജ് ഖലീഫയേക്കാള് ഉയരത്തില് പറന്ന് ശ്രദ്ധനേടിയയാളാണ് വിന്സന്റ്. ദുബൈയില് നിരവധി പറക്കലുകള് നടത്തിയിരുന്നു. ജെറ്റ്പാക്കുകളും കൃത്രിമ ചിറകുകളും ഉപയോഗിച്ച് ആകാശത്തേക്ക് പറന്നുയരുന്നവരാണ് ജെറ്റ്മാന്മാര്. മലയാളികള് അടക്കമുള്ളവര് ദുബൈയില് ജെറ്റ്മാന് പരിശീലനം നടത്തുന്നുണ്ട്. പ്രൊഫഷനല് സ്കൈഡൈവര്, ജമ്ബര്, പരിശീലകന് തുടങ്ങിയ നിലയില് പേരെടുത്തയാളാണ് വിന്സി.
