0
0
കറാച്ചി:
കഴിഞ്ഞ ദിവസം കറാച്ചി കിംഗ്സിനെതിരെ നടന്ന പാകിസ്ഥാന്‍ സൂപ്പര്‍ ലീഗിലെ ക്വാളിഫയര്‍ മത്സരത്തില്‍ മുള്ട്ടാന് സുല്‍ത്താന്‍സിന് വേണ്ടി പാക് സൂപ്പര്‍ താരം ഷഹീദ് അഫ്രീദിയും കളിക്കാനിറങ്ങിയിരുന്നു. സൂപ്പര്‍ ഓവറില്‍ കറാച്ചി വിജയിച്ച ഈ മത്സരത്തില്‍ ആദ്യം ബാറ്റ് ചെയ്ത മുള്ട്ടാന് വേണ്ടി ഏഴാമനായാണ് അഫ്രീദി ക്രീസിലെത്തിയത്. എന്നാല്‍ താരം മത്സരത്തില്‍ ധരിച്ച ഹെല്‍മ്മറ്റ് ക്രിക്കറ്റ് ലോകത്തെ ഞെട്ടിച്ചു. പന്ത് വ്യക്തമായി കാണുന്നതിനായി ഹെല്‍മറ്റിന്റെ മുന്നിലത്തെ ഗ്രില്ലുകളിലൊന്ന് അദ്ദേഹം എടുത്ത് മാറ്റിയിരുന്നു. ബാറ്റിംഗിനിടെ അദ്ദേഹത്തിന് കുഴപ്പങ്ങളൊന്നും സംഭവിച്ചില്ലെ‌ങ്കിലും അപകടകരമായ ഈ ഹെല്‍മ്മറ്റ് അതിവേഗം വാര്‍ത്തകളില്‍ നിറഞ്ഞു.
ഒരു അതിവേഗ ബൗണ്‍സറോ, അപ്രതീക്ഷിത ത്രോയോ മത്സരത്തില്‍ താരത്തിന്റെ മുഖത്തിന് നേരെ വന്നിരുന്നെങ്കില്‍ ഇന്നലെ കാര്യങ്ങള്‍ വഷളാകുമായിരുന്നു. പന്ത് നന്നായി കാണുന്നതിനായി ഹെല്‍മ്മറ്റിന്റെ ഗ്രില്‍ എടുത്ത് മാറ്റിയതിലെ അപകടം വളരെ വലുതായിരുന്നു. ഭാഗ്യം കൊണ്ട് മാത്രമാണ് താരത്തിന് ഒന്നും സംഭവിക്കാതിരുന്നത്.
