0
0
യു.ടി ഖാദറിനെ പുതിയ നിയമസഭാ സ്പീക്കറായി തെരഞ്ഞെടുത്തു
ബെംഗളൂരു (മെയ് 22):
മംഗലാപുരം നിയോജക മണ്ഡലത്തിൽ നിന്നുള്ള എം.എൽ.എ യു.ടി ഖാദർ രണ്ട് വർഷത്തേക്ക് നിയമസഭയുടെ പുതിയ സ്പീക്കറായി തിരഞ്ഞെടുക്കപ്പെട്ടു.
മംഗലാപുരം നിയമസഭാ മണ്ഡലത്തിൽ നിന്ന് തുടർച്ചയായി അഞ്ചാം തവണയാണ് എംഎൽഎയായി യു.ടി ഖാദർ തിരഞ്ഞെടുക്കപ്പെട്ടത്.
അദ്ദേഹത്തിന്റെ സീനിയോറിറ്റി, അഴിമതി രഹിത ഭരണം, എല്ലാവരേയും ഉൾക്കൊള്ളുന്ന ഭരണ ശൈലി എന്നിവയാണ് അദ്ദേഹത്തെ സ്പീക്കർ പദവിയിലേക്ക് എത്തിച്ചത്.
സ്പീക്കർ സ്ഥാനത്തേക്ക് ആർ വി ദേശ്പാണ്ഡെ, ടി ബി ജയചന്ദ്ര, എച്ച് കെ പാട്ടീൽ എന്നിവരുടെ പേരുകളാണ് ഉയർന്നത്. എന്നാൽ അവസാന നിമിഷം നിയമസഭാ സ്പീക്കർ സ്ഥാനത്തേക്ക് യു.ടി.ഖാദറിനെ കോൺഗ്രസ് നേതൃത്വം തെരഞ്ഞെടുക്കുകയായിരുന്നു.
സിദ്ധരാമയ്യയുടെ നേതൃത്വത്തിലുള്ള കോൺഗ്രസ് ഭരണത്തിൽ ആരോഗ്യ, ഭക്ഷ്യ മന്ത്രിയായും കുമാരസ്വാമി സർക്കാരിന്റെ ഭരണത്തിൽ ഭവന, നഗര വികസന മന്ത്രിയായും അദ്ദേഹം സേവനമനുഷ്ഠിച്ചിട്ടുണ്ട്. പിന്നീട് സംസ്ഥാന നിയമസഭയിൽ പ്രതിപക്ഷ ഉപനേതാവായി സേവനമനുഷ്ഠിച്ചു.
