1
0
ജീവൻ പണയപ്പെടുത്തി രക്ഷാപ്രവര്‍ത്തനം; മംഗൽപാടി പഞ്ചായത്ത് മെമ്പർ ഉമ്പായിയെ പെരിങ്കടി പ്രവാസി കൂട്ടായ്മ ആദരിച്ചു
ഉപ്പള : ജീവൻ പണയപ്പെടുത്തി രക്ഷാപ്രവര്‍ത്തനത്തിന് മംഗൽപാടി പഞ്ചായത്ത് മെമ്പർ ഉമ്പായിയെ പെരിങ്കടി പ്രവാസി കൂട്ടായ്മയും ,ഖത്തറിലെ പ്രമുഖ വ്യവസായിയും സാമൂഹ്യ പ്രവർത്തകനായ അബ്ദു കോട്ടയും ആദരിച്ചു.
കഴിഞ്ഞ ദിവസം ഉപ്പളയിൽ വീട്ട് പറമ്പിലെ സെപ്റ്റിക് ടാങ്കിൽവീണു രണ്ടര വയസ്സുള്ള കുട്ടി മരിച്ചിരുന്നു. ആ കുട്ടി ടാങ്കിൽ വീണതറിഞ്ഞ് ഓടിയെത്തിയ ഉമ്പായി ആയിരുന്നു ടാങ്കിൽ ഇറങ്ങി കുട്ടിയെ പുറത്തെടുത്തത്.
ഇതിന് മുമ്പ് റെയിൽ ട്രാക്കിലും,റോഡപകടം നടന്ന സ്ഥലത്ത് പാഞ്ഞെത്തി രക്ഷാ പ്രവർത്തനം നടത്തിയും,പുഴയിൽ വീണ ആളെ രക്ഷപ്പെടുത്തിയും നാടിനും നാട്ടുകാർക്കും അഭിമാനമായിരുന്നു.
നിഷ്കളങ്കനും , പുഞ്ചിരിയോടെയുള്ള സമീപനവും ആത്മാർത്ഥമായ ജനസേവകനുമായ ഉമ്പായി മംഗൽപാടി ഗ്രാമ പഞ്ചായത്ത് തെരഞ്ഞടുപ്പിൽ പെരിങ്കടി വാർഡിൽ നിന്നാണ് മത്സരിച്ച് വിജയിച്ചത്.
