0
0
ഷേയ്ഖ് മുഹമ്മദ് ബിൻ സയിദ് അൽ നഹ്യാൻ യുഎഇയുടെ പുതിയ പ്രസിഡന്റ്
2004 മുതൽ അബുദാബി കിരീടാവകാശിയും 2005 മുതൽ യുഎഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായി സേവനമനുഷ്ടിച്ചു വരികയായിരുന്നു ഷേയ്ഖ് ഖലീഫയുടെ അർധസഹോദരൻ കൂടിയായ ഷേയ്ഖ് മുഹമ്മദ് ബിൻ സയിദ്
അബുദാബി: ഷേയ്ഖ് മുഹമ്മദ് ബിൻ സയിദ് ആൽ നഹ്യാനെ യുഎഇയുടെ (UAE) പുതിയ പ്രസിഡൻറായി പ്രഖ്യാപിച്ച് യുഎഇ സുപ്രീം കൗൺസിൽ. പ്രസിഡന്റ് ഷേയ്ഖ് ഖലീഫ ബിൻ സയിദിന്‍റെ നിര്യാണത്തെ തുടർന്നാണ് പുതിയ പ്രസിഡന്‍റിനെ പ്രഖ്യാപിച്ചത്.
2004 മുതൽ അബുദാബി കിരീടാവകാശിയും 2005 മുതൽ യുഎഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായി സേവനമനുഷ്ടിച്ചു വരികയായിരുന്നു ഷേയ്ഖ് ഖലീഫയുടെ അർധസഹോദരൻ കൂടിയായ ഷേയ്ഖ് മുഹമ്മദ് ബിൻ സയിദ്.
യുഎഇയുടെ മൂന്നാമത്തെ പ്രസിഡൻറും 17ാമത് അബുദാബി ഭരണാധികാരിയുമായാണ് 61കാരനായ ഷേയ്ഖ് മുഹമ്മദ് നിയമിതനായിരിക്കുന്നത്. ഷേയ്ഖ് ഖലീഫ ആരോഗ്യപ്രശ്നങ്ങളാൽ സജീവമല്ലാതിരുന്നപ്പോൾ പ്രസിഡന്റിന്റെ ചുമതലകൾ നിർവഹിച്ചിട്ടുണ്ട്.
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷേയ്ഖ് മുഹമ്മദ് ബിൻ റാഷിദ് ആൽ മഖ്തൂം പുതിയ പ്രസിഡന്‍റിന് എല്ലാ പിന്തുണയും അറിയിച്ചു.
