0
0
Read Time:1 Minute, 18 Second
കൊച്ചി; കോവിഡ് പോസിറ്റീവായ വിവരം മറച്ചുവച്ച്‌ വിമാനയാത്രയ്ക്കെത്തിയ യുവതിയെ വിമാനത്താവളത്തില്‍ തടഞ്ഞു. പുണെയില്‍ വിദ്യാര്‍ഥിനിയായ യുവതിയാണ് ഇന്നലെ ആരോഗ്യ പ്രവര്‍ത്തകരുടെ നിര്‍ദേശം അവഗണിച്ച്‌ നെടുമ്ബാശ്ശേരി വിമാനത്താവളത്തില്‍ എത്തിയത്. തുടര്‍ന്ന് സിഐഎസ്‌എഫിന്റെ സഹായത്തോടെ ആരോഗ്യ വകുപ്പ് അധികൃതര്‍ തടയുകയായിരുന്നു.
പരിശോധനാ ഫലം മറച്ചു വച്ചു യുവതി യാത്രക്ക് ഒരുങ്ങുകയായിരുന്നു. ആരോഗ്യ പ്രവര്‍ത്തകര്‍ ഇക്കാര്യം നേരത്തെ അറിഞ്ഞതിനാല്‍ വിമാനത്താവള കവാടത്തില്‍ തന്നെ ഇവരെ തടയാനായി. ഏതാനും ദിവസങ്ങളിലായി 6 പേരെ ഇത്തരത്തില്‍ പിടികൂടിയിരുന്നു. കോവിഡ് വ്യാപനം വര്‍ധിക്കുന്ന പശ്ചാത്തലത്തില്‍ പൊതുജനങ്ങള്‍ ജാഗ്രതാ നിര്‍ദേശങ്ങള്‍ പാലിക്കാതെ വന്നാല്‍ സ്ഥിതിഗതികള്‍ കൂടുതല്‍ ഗുരുതരമാകുമെന്നു ജില്ലാ മെഡിക്കല്‍ ഓഫിസര്‍ അറിയിച്ചു.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
