0
0
ന്യൂഡല്‍ഹി: ആഭ്യന്തര വിമാനങ്ങളില്‍ യാത്രക്കാര്‍ക്കായി റിപ്പബ്ലിക് ദിന ഓഫര് വില്‍പ്പനയുമായി ഗോ എയര്. 859 രൂപ മുതല്‍ ആരംഭിക്കുന്ന കുറഞ്ഞ നിരക്കിലുള്ള ടിക്കറ്റുകളാണ് ഫ്രീഡം സെയിലിെന്‍റ ഭാഗമായി കമ്ബനി വാഗ്ദാനം ചെയ്യുന്നത്. ഇൗ വര്‍ഷം ഏപ്രില്‍ 22 മുതല്‍ ഡിസംബര്‍ 31 വരെയുള്ള വണ്‍വേ യാത്രകള്‍ക്കായി ജനുവരി 22 മുതല്‍ 29 വരെയാണ് ടിക്കറ്റുകള്‍ വാങ്ങാന്‍ അവസരം നല്‍കുന്നത്.
ആഭ്യന്തര നെറ്റ്വര്‍ക്കുകളിലാകെ ഒരു മില്യണ്‍ സീറ്റുകള്‍ എല്ലാ ചാര്‍ജുകളുമടക്കം 859 രൂപ മുതല്‍ ആരംഭിക്കുന്ന ഓഫര് നിരക്കില്‍ ലഭ്യമാണ്. വില്‍പ്പന കാലയളവില്‍ ബുക്ക് ചെയ്യുന്ന ടിക്കറ്റുകള്‍ 14 ദിവസത്തിനുള്ളില്‍ മാറ്റിയാല്‍ പ്രത്യേക ഫീസ് നല്‍കേണ്ടതില്ലെന്നും ഗോ എയര് അധികൃതര്‍ അറിയിച്ചു.
ഇത് ലഭ്യതയ്ക്ക് വിധേയമായ പ്രൊമോ ഫെയര്‍ സീറ്റുകള്‍ക്ക് മാത്രമാണ് ബാധകമാവുക. ബുക്കിംഗ് സമയത്ത് ആദ്യം ടിക്കറ്റ് ബുക്ക് ചെയ്യുന്നവ‍ര്‍ക്ക് ആദ്യം ടിക്കറ്റ് എന്ന അടിസ്ഥാനത്തിലായിരിക്കും സീറ്റുകള്‍ ലഭിക്കുകയെന്നും ഗോ എയര് കൂട്ടിച്ചേര്‍ത്തു.
ഫ്രീഡം സെയിലിലൂടെ ലാഭകരമായി യാത്രകള്‍ ആസൂത്രണം ചെയ്യാനാകുമെന്നും ഇന്ത്യയിലെ യാത്രക്കാര്‍ക്കിടയില്‍ ഈ പ്രമോഷന്‍ ജനപ്രിയമാകുമെന്ന കാര്യത്തില്‍ ഉറപ്പുണ്ടെനും ഗോ എയര് ചീഫ് എക്സിക്യൂട്ടീവ് ഓഫീസര്‍ കൗശിക് ഖോന പറഞ്ഞു.
