മുസ്ലിം ലീഗ് ജില്ലാ വൈസ് പ്രസിഡണ്ടും വ്യവസായ പ്രമുഖനുമായിരുന്ന എം.ബി യൂസുഫ് ഹാജി അന്തരിച്ചു

Read Time:1 Minute, 22 Second

മുസ്ലിംലീഗ് ജില്ലാ വൈസ്പ്രസിഡണ്ടും വ്യവസായ പ്രമുഖനുമായിരുന്ന എം.ബി യൂസുഫ് ഹാജി അന്തരിച്ചു

ബന്തിയോട്: മുസ്ലീം ലീഗ് കാസർകോട് ജില്ലാ വൈസ് പ്രസിഡന്റും പ്രമുഖ വ്യവസായിയുമായിരുന്ന എം.ബി യൂസഫ് ഹാജി ബന്തിയോട്(62) അന്തരിച്ചു.

ശ്വാസകോശ സംബന്ധമായ അസുഖത്തെ തുടർന്ന് ചികിൽസയിലായിരുന്നു. വെള്ളിയാഴ്‌ച ഉച്ചയോടെ മംഗളൂരുവിലെ സ്വകാര്യ ആശുപത്രിയിൽ വച്ചാണ് അന്ത്യം സംഭവിച്ചത്. മഞ്ചേശ്വരം മണ്ഡലത്തിൽ മുസ്ലിംലീഗ് പ്രസ്ഥാനം കെട്ടിപടുക്കുന്നതിൽ നിർണായക പങ്ക് വഹിച്ചിരുന്നു. മഞ്ചേശ്വരം മണ്ഡലത്തിലെ മത-രാഷ്ട്രീയ-സാമൂഹിക മേഖലയിൽ നിറ സാന്നിധ്യമായിരുന്നു. നിരവധി വ്യാപാര സ്ഥാപനങ്ങളുടെ ഉടമകൂടിയായിരുന്നു.

ഖദീജയാണ് ഭാര്യ. മക്കൾ: ഫാറൂഖ്, ഫസീദ, ഫാരിസ, ഫൈസൽ, ഫർഹാൻ. മരുമക്കൾ: അജ്‌മൽ, ഇസ്‌മായിൽ, ആയിഷ, ഷിബില. സഹോദരങ്ങൾ: സഫ മൂസ, ഫാത്തിമ, മറിയമ്മ.