0
0
ദുബൈ കെ എം സി സി മംഗൽപാടി പഞ്ചായത്ത് കമ്മിറ്റിക്ക് പുതിയ നേതൃത്വം; സിദ്ദീഖ് ബപ്പായിത്തൊട്ടി പ്രസിഡന്റ്, അൻവർ മുട്ടം ജനറൽ സെക്രട്ടറി, ഹാഷിം ബണ്ടസാല ട്രഷറർ
ദുബൈ: കേരളത്തിന് പുറത്തെ മുസ്ലിം ലീഗ് പോഷക സംഘടനകളിൽ ഏറ്റവും കൂടുതൽ അംഗബലമുള്ള രണ്ടാമത്തെ പഞ്ചായത്ത് കമ്മിറ്റിയായ ദുബൈ കെ എം സി സി മംഗൽപാടി പഞ്ചായത്ത് കമ്മിറ്റി പുതിയ ഭാരവാഹികളെ തിരഞ്ഞെടുത്തു. നിലവിലെ പ്രസിഡന്റ് ജബ്ബാർ ബൈദലയുടെ അധ്യക്ഷതയിൽ ബിസിനസ് ബേയിൽ നടന്ന ജനറൽ ബോഡി യോഗം അഡ്വ. ഇബ്രാഹിം ഖലീൽ ഉദ്‌ഘാടനം ചെയ്തു. സലാം കന്യപ്പാടി, ഹനീഫ് ടി ആർ എന്നിവർ പ്രസംഗിച്ചു. റസാഖ് ബന്തിയോട് സ്വാഗതം പറഞ്ഞു. ഖാലിദ് മള്ളങ്കൈ പ്രവർത്തന റിപ്പോർട്ടും മുഹമ്മദ് കളായി ഫൈനാൻസ് റിപ്പോർട്ടും അവതരിപ്പിച്ചു. 81 കൗൺസിലർമാർ പങ്കെടുത്ത ജനറൽ ബോഡി യോഗത്തിൽ പുതിയ പ്രസിഡന്റായി സിദ്ദീഖ് ബപ്പായിത്തൊട്ടി പ്രസിഡന്റായും അൻവർ മുട്ടം ജനറൽ സെക്രട്ടറിയായും ഹാഷിം ബണ്ടസാല ട്രഷററായും തിരഞ്ഞെടുക്കപ്പെട്ടു. ഫാറൂഖ് അമാനത് വർക്കിങ് പ്രസിഡന്റും ജംഷീദ് അട്ക ഓർഗനൈസിംഗ് സെക്രട്ടറിയുമാണ്. മറ്റു ഭാരവാഹികൾ: ഇദ്രീസ് അയ്യൂർ, ഷൗക്കത്തലി മുട്ടം, അക്ബർ പെരിങ്കടി, ഖാലിദ് മണ്ണംകുഴി, അബ്ദുല്ല പച്ചമ്പള, ഫാറൂഖ് ഒളിമ്പിയ (വൈസ് പ്രസിഡന്റുമാർ), സാദിഖ് ഷിറിയ, ശരീഫ് ബന്തിയോട്, റഹീം എച്ച് എൻ, സജ്ജാദ് മണിമുണ്ട, സിദ്ദിഖ് പൂങ്കളം, സർഫ്രാസ് സിറ്റിസൺ (സെക്രട്ടറിമാർ). മണ്ഡലം ജനറൽ സെക്രട്ടറി സൈഫുദ്ദീൻ മൊഗ്രാൽ റിട്ടേർണിംഗ് ഓഫീസറിയിരുന്നു. സുബൈർ കുബണൂർ, ഇബ്രാഹിം ബേരികെ, ഇഖ്ബാൽ മണിമുണ്ട, മൻസൂർ മർത്യ മുനീർ ബേരിക എന്നിവർ സംബന്ധിച്ചു.
