0
0
ഇച്ചിലങ്കോട് പച്ചമ്പള സിറാജുല്‍മുനീര്‍ ദഫ്കമ്മിറ്റിയുടെ ആഭിമുഖ്യത്തില്‍ രിഫാഈ ദഫ് റാത്തീബ് വാര്‍ഷികവും മതപ്രഭാഷണവും നാളെ തുടങ്ങും
കുമ്പള: ഇച്ചിലങ്കോട് പച്ചമ്പള സിറാജുല്‍ മുനീര്‍ ദഫ് കമ്മിറ്റിയുടെ ആഭിമുഖ്യത്തില്‍ രിഫാഈ ദഫ് റാത്തീബ് 28-ാം വാര്‍ഷികവും നാല് ദിവസത്തെ മതപ്രഭാഷണവും ജനുവരി 25 മുതല്‍ 28 വരെ സക്കരിയ ജുമാ മസ്ജിദ് അങ്കണത്തില്‍ നടക്കുമെന്ന് ഭാരവാഹികള്‍ കുമ്പള പ്രസ് ഫോറത്തില്‍ നടത്തിയ വാര്‍ത്താ സമ്മേളനത്തില്‍ അറിയിച്ചു. വ്യാഴാഴ്ച വൈകിട്ട് നാലിന് സക്കരിയ മസ്ജിദ് മുന്‍ പ്രസിഡന്റ് മഹ്‌മൂദ് ഹാജി പച്ചമ്പള പതാക ഉയര്‍ത്തും. രാത്രി 8 മണിക്ക് കെ.എസ്. ശമീം തങ്ങള്‍ കുമ്പോല്‍, മത പ്രഭാഷണം ഉദ്ഘാടനം ചെയ്യും. പ്രസിഡന്റ് മജീദ് പച്ചമ്പള അധ്യക്ഷനാകും.അബ്ദുല്‍ വഹാബ് നഈമി കൊല്ലം മുഖ്യ പ്രഭാഷണം നടത്തും. അഹ്‌മദ് കബീര്‍ ഹുദവി സംസാരിക്കും.
26.ന് വെള്ളിയാഴ്ച രാത്രി 8 മണിക്ക് മജീദ് ബാഖവി കൊടുവള്ളി മുഖ്യ പ്രഭാഷണവും ,ഇര്‍ഷാദ് ഫൈസി വെള്ളാര ആമുഖ പ്രഭാഷണവും നടത്തും. 27.ന് ശനിയാഴ്ച വൈകിട്ട് 6.30ന് മദനീയം മജ്‌ലിസിന് അബ്ദുല്‍ ലത്തീഫ് സഖാഫി കാന്തപുരം നേതൃത്വം നല്‍കും.28 ഞായറാഴ്ച രാത്രി 8 മണിക്ക് ഹംസ മിസ്ബാഹി ഓട്ടപ്പദവ് മുഖ്യ പ്രഭാഷണവും ഇഖ്ബാല്‍ ഫൈസി ആമുഖ പ്രഭാഷണവും നടത്തും.ഹസൈനാര്‍ സുഹ് രി, സിദ്ധീഖ് ഫൈസി ഇര്‍ഫാനി സംസാരിക്കും.
വാര്‍ത്താ സമ്മേളനത്തില്‍ പ്രസിഡന്റ് മജീദ് പച്ചമ്പള, ജന.സെക്രട്ടറി ഫാറൂഖ് പച്ചമ്പള, ട്രഷറര്‍ നൗഷാദ് പച്ചമ്പള, വൈസ് പ്രസിഡന്റ് സമദ് ദേര്‍ ജാല്‍, സക്കരിയ മസ്ജിദ് പ്രസിഡന്റ് അഷ്‌റഫ് പച്ചമ്പള, അസീസ് വക്കീല്‍ സംബന്ധിച്ചു.
