0
0
എം.പി.എൽ ബാഡ്മിന്റൺ: മുട്ടം സഖ്യത്തിന് വീണ്ടും കിരീടം
ദുബൈ: മംഗൽപാടി പഞ്ചായത്ത് ദുബൈ കെ എം സി സി കമ്മിറ്റിയുടെ ആഭിമുഖ്യത്തിൽ നടന്ന് വരുന്ന മെഗാ ഇവന്റസിന്റെ ഭാഗമായി സംഘടിപ്പിച്ച ഡബിൾസ് ബാഡ്മിന്റൺ ടൂർണമെന്റിന്റെ ആവേശകരമായ ഫൈനലിൽ അബ്ദുൽ സത്താർ മുട്ടം – അബ്ദുൽ ഖാദർ മുട്ടം സഖ്യം ജേതാക്കളായി. ഇത് തുടർച്ചയായ രണ്ടാം തവണയാണ് മുട്ടം സഖ്യം കപ്പുയർത്തുന്നത്.
അബ്ദുൽ അസീസ് പാറക്കട്ട – ഇബ്രാഹിം നാസിഫ് മണ്ണംകുഴി സഖ്യമാണ് റണ്ണേഴ്സ് അപ്പ്. സ്‌കോർ: 17-21, 14-21
ഖിസൈസിൽ നടന്ന ടൂർണമെന്റിൽ പി പി അബൂബക്കർ മുട്ടം മുഖ്യാതിഥി ആയിരുന്നു. ദുബൈ കെ എം സി സി മഞ്ചേശ്വരം മണ്ഡലം കമ്മിറ്റി ഭാരവാഹികളായ ഇബ്രാഹിം ബേരികെ, സുബൈർ കുബണൂർ, മുനീർ ബേരിക, സൈഫുദ്ദീൻ മൊഗ്രാൽ, യൂസുഫ് ഷേണി, അമാൻ തലേക്കള, പഞ്ചായത്ത് ഭാരവാഹികളായ ജബ്ബാർ ബൈദല, റസാഖ് ബന്തിയോട്, മുഹമ്മദ് കളായി, ഹാഷിം ബണ്ടസാല, ഖാലിദ് മള്ളങ്കൈ, ഫാറൂഖ് അമാനത്, ഇദ്‌രീസ് അയ്യൂർ, ഹനീഫ് മാസ്റ്റർ സോങ്കാൽ, അക്ബർ പെരിങ്കടി, ജംഷീദ് അട്ക, ഖാലിദ് മണ്ണംകുഴി, റഹിം ഉപ്പള ഗേറ്റ്, ഷൗക്കത്തലി മുട്ടം, സത്താർ മൂസോടി, സജ്ജാദ് മണിമുണ്ട തുടങ്ങിയവർ സംബന്ധിച്ചു.
