0
0
ദുബൈ: ഹ്രസ്വ സന്ദർശനാർത്ഥം യു എ ഇയിലെത്തിയ റിയാദ് കെ എം സി സി കാസറഗോഡ് ജില്ലാ സെക്രട്ടറി അഷ്‌റഫ് മീപ്പിരി, മുസ്ലിം യൂത്ത് ലീഗ് മംഗൽപാടി പഞ്ചായത്ത് കമ്മിറ്റി ട്രഷറർ മുഹമ്മദ് ഫാറൂഖ് മാസ്റ്റർ എന്നിവർക്ക് ദുബൈ കെ എം സി സി മംഗൽപാടി പഞ്ചായത്ത് കമ്മിറ്റി സ്വീകരണം നൽകി. ജബ്ബാർ ബൈദലയുടെ അധ്യക്ഷതയിൽ ഇബ്രാഹിം ബേരികെ ഉദ്‌ഘാടനം ചെയ്തു.
സമൂഹത്തിന്റെയും സമുദായത്തിന്റെയും സമസ്‌ത മേഖലകളിലും സ്തുത്യർഹമായ സേവനം നടത്തുന്ന ദുബൈ കെ എം സി സി പ്രവാസി സമൂഹത്തിനാകെ അഭിമാനമാണെന്ന് സ്വീകരണത്തിനുള്ള നന്ദി പ്രസംഗത്തിൽ അഷ്‌റഫ് മീപ്പിരി പ്രസ്താവിച്ചു. മംഗൽപാടി പഞ്ചായത്ത് കെ എം സി സിയുടെ സേവനങ്ങൾ നാട്ടിലെ പാർട്ടി പ്രവർത്തകർക്ക് ആവേശവും ഊർജ്ജവും പകരുന്നതായി ഫാറൂഖ് മാസ്റ്റർ അഭിപ്രായപ്പെട്ടു. സൗദി കെ എം സി സി പ്രവർത്തകരായ പി കെ മഹ്മൂദ്, ഇബ്രാഹിം മമ്മു ബന്തിയോട് എന്നിവരെയും ചടങ്ങിൽ ആദരിച്ചു. സുബൈർ കുബണൂർ, മുനീർ ബേരിക, മുഹമ്മദ് കളായി, ഇദ്രീസ് അയ്യൂർ എന്നിവർ പ്രസംഗിച്ചു. റസാഖ് ബന്തിയോട് സ്വാഗതവും ഹാഷിം ബണ്ടസാല നന്ദിയും പറഞ്ഞു.
