കോവിഡ് പ്രതിസന്ധി; വ്യാപാരികളുടെ പ്രയാസങ്ങൾ പരിഹരിക്കണമെന്നാവശ്യപ്പെട്ട് മഞ്ചേശ്വരം ബ്ലോക്ക്‌ പഞ്ചായത്ത്‌ വൈസ് പ്രസിഡന്റ്‌ മുഹമ്മദ്‌ ഹനീഫ്.പി.കെ ജില്ലാ കളക്ടർക്ക് നിവേദനം നൽകി

Read Time:1 Minute, 21 Second

കാസറഗോഡ്:
കോവിഡിന്റെ വ്യാപനവും ലോക്ഡൗണുകളും കാരണം വ്യാപാരികൾ അനുഭവിക്കുന്ന പ്രയാസങ്ങളും പ്രതിസന്ധികളും പരിഗണിക്കണമെന്നും വേണ്ട പരിഹാരമാർഗങ്ങൾ കൈക്കൊള്ളാൻ ജില്ലാ ഭരണകൂടവും സർക്കാരും മുന്നോട്ട് വരണമെന്നും ആവശ്യപ്പെട്ടുകൊണ്ട് കാസറഗോഡ് ജില്ലാ കളക്ടർക്ക് നിവേദനം നൽകി.

നമ്മുടെ നാടിന്റെ ഉന്നമനത്തിനും പുരോഗതിക്കും മുൻനിരയിൽ നിൽക്കുന്ന വ്യാപാരികളുടെ പ്രയാസങ്ങൾ നാടിന്റെ മുന്നോട്ടുള്ള പ്രയാണത്തെ തന്നെ ബാധിക്കുന്ന കാര്യമാണ്.തങ്ങളുടെ കച്ചവടം മുടങ്ങി, സാമ്പത്തിക ഞെരുക്കം അനുഭവിക്കുമ്പോഴും അവരുടെ വ്യക്തിപരമായ ആവശ്യങ്ങൾക്ക് പോലും ചിലവഴിക്കാൻ പണമില്ലാത്ത സാഹചര്യത്തിൽ അവരോട് പല കാരണങ്ങൾ പറഞ്ഞ് പോലീസ് പിഴയീടാക്കുന്ന കാര്യവും കളക്ടറുടെ ശ്രദ്ധയിൽപെടുത്തിയിട്ടുണ്ട്. ഈയൊരു വിഷയത്തിൽ ആവശ്യമായ പരിഹാരമാർഗങ്ങൾ ഉടൻ കൈകൊള്ളണമെന്നും ആവശ്യപ്പെട്ടു.