0
0
മുട്ടം-ഷിറിയ ദേശീയ പാതയിൽ വാഹനാപകടം; മുട്ടം സ്വദേശി മരിച്ചു
ബന്തിയോട്: ഇന്ന് രാവിലെ മുട്ടം-ഷിറിയ ദേശീയ പാത ഓണന്തയിൽ സ്വിഫ്റ്റ് കാറും,ട്രക്കും കൂട്ടിയിടിച്ചുണ്ടായ വാഹനാപകടത്തിൽ മുട്ടം സ്വദേശിയായ സൈദാലി ഇബ്രാഹിം സറാംഗ് (65) മരണപ്പെട്ടു.കുട്ടികള്‍ ഉള്‍പ്പെടെ നാലുപേര്‍ക്ക് പരിക്കേറ്റു.
കാര്‍ ഓടിച്ച ബന്ധു ഷിറിയ കടപ്പുറത്തെ ഖാദര്‍ (54),സൈദാലി ഇബ്രാഹിമിന്റെ മകന്‍ സലിമിന്റെ ഭാര്യ ആയിഷത്ത് താഹിറ (39), താഹിറയുടെ മക്കളായ നിദ സഹ്ദിയ(10), ശിഹാബുദ്ധീന്‍ (13) എന്നിവരെ പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് പുലര്‍ച്ചെ ആറ് മണിയോടെ ഷിറിയ ഓണന്തയിലാണ് അപകടം.
അപകടത്തില്‍ പരിക്കേറ്റ രണ്ട് കുട്ടികളുടെ പാസ്‌പോര്‍ട്ടിന്റെ ആവശ്യത്തിനായി പയ്യന്നൂരിലേക്ക് പുറപ്പെട്ടതായിരുന്നു ഇവർ. ലോറിയെ മറികടക്കാന്‍ ശ്രമിക്കുമ്പോള്‍ ലോറി ഇടതുവശത്തേക്ക് വെട്ടിക്കുന്നതിനിടെ കാര്‍ ലോറിയുടെ ഭാഗത്ത് കുടുങ്ങുകയായിരുന്നു. കുടുങ്ങിയ കാറിനെ 200 മീറ്റര്‍ വലിച്ചുകൊണ്ടു പോകുകയായിരുന്നു. നിര്‍ത്താതെ പോയ ലോറി പിന്നീട് കാസര്‍കോട്ട് നിന്ന് പൊലീസ് പിടികൂടി.
