0
0
ഉപ്പള സ്വദേശി ഹൃദയാഘാതം മൂലം സൗദിയിൽ മരണപ്പെട്ടു
ഉപ്പള: ഉംറ കഴിഞ്ഞ് താമസസ്ഥലത്തെത്തി ഉറങ്ങാന്‍ കിടന്ന ഉപ്പള സ്വദേശി മദീനയിൽ ഹൃദയാഘാതം മൂലം മരിച്ചു.
ഉപ്പള ഹിദായത്ത് നഗര്‍ ശൈഖ് അഹമദ് റോഡിലെ പരേതനായ അബ്ദുല്‍ ഖാദര്‍-നഫീസ ദമ്പതികളുടെ മകന്‍ ശൈഖ് മുഷ്താഖ് (36) ആണ് മരിച്ചത്. സൗദി ജിദ്ദയിൽ ഡ്രൈവറായി ജോലി ചെയ്തുവരികയായിരുന്ന മുഷ്താഖ് നല്ലൊരു ഗായകനും വലിയ സുഹൃദ് ബന്ധങ്ങൾ കാത്ത് സൂക്ഷിക്കുന്ന ആളുമായിരുന്നു.
മൂന്ന് ദിവസം മുമ്പ് കൂട്ടുകാരോടൊപ്പം ഉംറക്ക് പോയി ഇന്നലെ രാത്രി സുഹൃത്തിന്റെ റൂമിൽ ഉറങ്ങാന്‍ കിടന്നതായിരുന്നു. സുഹൃത്തുക്കള്‍ വിളിച്ചിട്ടും ഉണരാത്തതിനെ തുടര്‍ന്ന് നോക്കിയപ്പോഴാണ് മരിച്ച നിലയില്‍ കണ്ടെത്തിയത്. ഹിദായത്ത് നഗർ ക്ലബിന്റെ മെമ്പറായ ഷൈഖ് ഉപ്പള എന്നറിയപ്പെടുന്ന മുഷ്താഖിന്റെ അപ്രതീക്ഷിത മരണം നാടിനെയാകെ കണ്ണീരിലാഴ്ത്തി. ഇപ്പൊൾ ആശുപത്രി മോർച്ചറിയിലുള്ള നടപടി ക്രമങ്ങൾക്ക് ശേഷം മയ്യത്ത് മദീനയിൽ ഖബറടക്കും. ഭാര്യ:ഹന്നത്ത്. മൂന്ന് മാസം പ്രായമായ ഒരു കുഞ്ഞുണ്ട്.
