0
0
സോള്‍: സന്താന നിയന്ത്രണത്തിന് പ്രേരണ നല്‍കുന്നവയാണ് നമ്മുടെതുള്‍പെടെ പല രാജ്യങ്ങളും. എന്നാല്‍, ഒരു കുഞ്ഞ് പുതുതായി പിറന്ന കുടുംബത്തിന് സ്വപ്നങ്ങളില്‍ മാത്രം പരിചയിച്ച വലിയ തുക സര്‍ക്കാര്‍ വക ദാനമായി കിട്ടിയാലോ? ജനസംഖ്യ കുത്തനെ ഇടിഞ്ഞ് ആധി പെരുക്കുന്ന ദക്ഷിണ കൊറിയയിലെ ഒരു പട്ടണത്തിലാണ് കുഞ്ഞ് ജനിക്കുന്ന കുടുംബത്തെ കാത്ത് ഞെട്ടിക്കുന്ന ‘ഓഫറു’ള്ളത്.
ഗ്യോങ്സാങ് പ്രവിശ്യയുടെ തലസ്ഥാനമായ ചാങ്വണ്‍ ഗ്രാമത്തില്‍ ചുരുങ്ങിയത് മൂന്നു കുട്ടികളുള്ള മാതാപിതാക്കള്‍ക്ക് സര്‍ക്കാര്‍ വെറുതെ നല്‍കുക ഒരു ലക്ഷം ഡോളറാണ് (ഏകദേശം 74 ലക്ഷം രൂപ). പട്ടണത്തിലെ പുതിയ നയപ്രകാരം പുതുതായി വിവാഹിതരായ ദമ്ബതികള്‍ക്ക് ഭരണകൂടം വക 92,000 ഡോളര്‍ വായ്പയും നല്‍കും.
തുക തിരിച്ചടക്കുേമ്ബാഴാണ് പക്ഷേ, കുഞ്ഞ് പിറന്നവര്‍ക്ക് ഇരട്ടി മധുരമാകുക. തുകയുടെ മുഴുവന്‍ പലിശയയും പൂര്‍ണമായി ഇളവു ചെയ്യും. രണ്ടു കുട്ടികളുള്ള കുടുംബമാണെങ്കില്‍ യഥാര്‍ഥ തുകയുടെ 30 ശതമാനം ഇളവു ലഭിക്കും. കുട്ടികളുടെ എണ്ണം മൂന്നിലെത്തിയാല്‍ തുക പൂര്‍ണമായി ഇളവു നല്‍കും.
സമ്ബദ്വ്യവസ്ഥ താഴോട്ടുപോകുകയും ജനസംഖ്യ വര്‍ധന വെല്ലുവിളിയാകുകയും ചെയ്യുന്ന രാജ്യങ്ങള്‍ക്ക് ആലോചിക്കാവുന്നതല്ല നിര്‍ദേശമെങ്കിലും ജനസംഖ്യ കുത്തനെ താഴോട്ടുപോകുന്ന ദക്ഷിണാഫ്രിക്കയില്‍ സമാന പോംവഴികള്‍ തേടുകയാണ് ഭരണകൂടങ്ങള്‍.
2020ല്‍ 275,815 ജനനം റിപ്പോര്‍ട്ട് ചെയ്ത ദക്ഷിണാഫ്രിക്കയില്‍ 307,764 പേരാണ് മരിച്ചത്. പുതിയ ‘ഓഫര്‍’ പ്രഖ്യാപിച്ച ചാങ്വണില്‍ ജനസംഖ്യ സമീപകാലത്ത് ആദ്യമായി 10 ലക്ഷത്തില്‍ താഴെയെത്തുമെന്നും ആശങ്കയുണ്ട്.
