0
0
പട്ന: സ്വാതന്ത്ര്യലബ്ധിക്കുശേഷം ഇതാദ്യമായി ഒെരാറ്റ മുസ്ലിം എം.എല്‍.എ പോലുമില്ലാതെ ബിഹാര്‍ നിയമസഭയിലെ ഭരണസഖ്യം. എന്‍.ഡി.എയിലെ ബി.ജെ.പി, ജെ.ഡി.യു, ഹിന്ദുസ്ഥാനി അവാം മോര്‍ച്ച സെക്യുലര്‍, വികാശീല്‍ ഇന്‍സാന്‍ പാര്‍ട്ടി എന്നിവയില്‍ മുസ്ലിം വിഭാഗത്തില്‍നിന്ന് ഒരൊറ്റ എം.എല്‍.എ പോലുമില്ല. സംസ്ഥാനത്തെ ജനസംഖ്യയുടെ 16 ശതമാനം വരും മുസ്ലിംകള്‍. ഇവരോടുള്ള എന്‍.ഡി.എയുടെ അവഗണനയാണ് തെരഞ്ഞെടുപ്പ് ഫലം കാണിക്കുന്നതെന്ന് രാഷ്ട്രീയ നിരീക്ഷകര്‍ ചൂണ്ടിക്കാട്ടുന്നു.
ഈ നാല് പാര്‍ട്ടികളില്‍ ജെ.ഡി.യു മാത്രമാണ് 11 മുസ്ലിം സ്ഥാനാര്‍ഥികളെ നിര്‍ത്തിയത്. എന്നാല്‍, ഇവരെല്ലാം തോറ്റു. സോഷ്യലിസ്റ്റ് മതേതര വാദിയായി നിലകൊള്ളുന്ന നിതീഷ് കുമാര്‍ ഏഴാം തവണ മുഖ്യമന്ത്രിയായി സത്യപ്രതിജ്ഞ ചെയ്യുേമ്ബാള്‍ ഒരു മുസ്ലിം അംഗം പോലും ഇല്ലാെതയാകും മന്ത്രിസഭ രൂപീകരിക്കുക.
ലോക് ജനശക്തി പാര്‍ട്ടി ഒഴികെ എന്‍.ഡി.എയിലില്ലാത്ത മറ്റു കക്ഷികള്‍ക്കെല്ലാം മുസ്ലിം സ്ഥാനാര്‍ഥികളെ വിജയിപ്പിക്കാന്‍ സാധിച്ചിട്ടുണ്ട്. ആര്‍.ജെ.ഡിയില്‍ 75 എം.എല്‍.എമാരില്‍ എട്ടുപേര്‍ മുസ്ലിംകളാണ്. കോണ്‍ഗ്രസിന് 19ല്‍ നാല്, അസദുദ്ദീന്‍ ഉവൈസിയുടെ എ.ഐ.എം.ഐ.എമ്മില്‍ അഞ്ച്, ഇടതുപാര്‍ട്ടികളില്‍ 16ല്‍ ഒരാള്‍ എന്നിങ്ങനെ മുസ്ലിം എം.എല്‍.എമാരുണ്ട്. ബഹുജന്‍ സമാജ് പാര്‍ട്ടിയുടെ ഏക എം.എല്‍.എയും മുസ്ലിംമാണ്.
സോഷ്യലിസ്റ്റ് പാരമ്ബര്യത്തില്‍ ഉദയം ചെയ്ത ജെ.ഡി.യുവില്‍ മുസ്ലിം എം.എല്‍.എമാരില്ലാത്തത് വന്‍ തിരിച്ചടി തന്നെയാണെന്ന് 40 വര്‍ഷത്തിലേറെയായി ലാലു പ്രസാദിനും നിതീഷിനുമൊപ്പം പ്രവര്‍ത്തിച്ച മുതിര്‍ന്ന സോഷ്യലിസ്റ്റ് നേതാവ് ശിവാനന്ദ് തിവാരി ആരോപിച്ചു. ‘ജെ.ഡി.യുവിനെ ബി.ജെ.പി കീഴടക്കുകയാണ്. സീമാഞ്ചല്‍, മിഥില മേഖലകളിലെ തെരഞ്ഞെടുപ്പ് പ്രചാരണ യോഗങ്ങള്‍ ഇതിെന്‍റ ഉദാഹരണമാണ്. പ്രധാനമന്ത്രി നരേന്ദ്ര മോദി ജയ് ശ്രീറാം എന്ന് ആക്രോശിക്കുേമ്ബാഴും ജമ്മു കശ്മീരിലെ ആര്‍ട്ടിക്കിള്‍ 370ല്‍ ഭേദഗതി വരുത്തിയതിനെ കുറിച്ച്‌ സംസാരിക്കുേമ്ബാഴും നിതീഷ് കാഴ്ചക്കാരനായി മാറുകയായിരുന്നു.
ജനരോഷവും ഭരണവിരുദ്ധതയും നേരിടുന്ന നിതീഷ് സര്‍ക്കാര്‍ പ്രധാനമന്ത്രി നരേന്ദ്ര മോദിയുടെയും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിെന്‍റയും വര്‍ഗീയ ധ്രുവീകരണ പ്രസംഗങ്ങളില്‍നിന്ന് ലാഭം കണ്ടെത്തി. ബി.ജെ.പിയും ജെ.ഡി.യുവും ഒന്നാണെന്ന് ന്യൂനപക്ഷങ്ങള്‍ വിലയിരുത്തി. അതിനാല്‍ തന്നെ അവര്‍ നിതീഷിന് വോട്ട് ചെയ്തില്ല’ -ശിവാനന്ദ് തിവാരി പറഞ്ഞു.
‘ശ്രീകൃഷ്ണ സിന്‍ഹക്ക് ശേഷം ഏറ്റവും കൂടുതല്‍ കാലം ബിഹാര്‍ മുഖ്യമന്ത്രിയാകാനുള്ള ചരിത്രം സൃഷ്ടിക്കുന്നതിെന്‍റ വക്കിലാണ് നിതീഷ്. ഒരു മുസ്ലിം എം.എല്‍.എ ഇല്ലാത്ത സഖ്യത്തിന് നേതൃത്വം നല്‍കിയ വ്യക്തിയെന്ന നിലയിലും അദ്ദേഹം ചരിത്രത്തിെന്‍റ ഭാഗമാകും’ -ശിവാനന്ദ് തിവാരി കൂട്ടിച്ചേര്‍ത്തു.
ജെ.ഡി.യുവിെന്‍റ ഉദ്ഭവവും വളര്‍ച്ചയും പ്രത്യയശാസ്ത്രവുമെല്ലാം ഒരിക്കലും ബി.ജെ.പിയുമായി സാമ്യമുള്ളതല്ല. 1970കളില്‍ ബിഹാര്‍ മുഖ്യമന്ത്രിയായിരുന്ന അബ്ദുല്‍ ഗഫൂര്‍ സമത പാര്‍ട്ടിയുടെ സ്ഥാപകരിലൊരാളായിരുന്നു. ഇതില്‍നിന്നാണ് 1999ല്‍ ജെ.ഡി.യു പിറക്കുന്നത്. സോഷ്യലിസ്റ്റ് നേതാവ് ജോര്‍ജ് ഫെര്‍ണാണ്ടസായിരുന്നു സമതയുടെയും പിന്നീട് ജെ.ഡി.യുവിെന്‍റയും തലവന്‍.
1952ല്‍ ബിഹാറിലെ ആദ്യ നിയമസഭ തെരഞ്ഞെടുപ്പ് മുതല്‍ മുസ്ലിംകള്‍ ഭരണഘടനാ പദവികള്‍ വഹിച്ചിട്ടുണ്ട്. കോണ്‍ഗ്രസ്, സംയുക്ത സോഷ്യലിസ്റ്റ് പാര്‍ട്ടി, ജനതാ പാര്‍ട്ടി, ജനതാദള്‍, ആര്‍.ജെ.ഡി എന്നിവരുടെ ഭരണത്തിന്‍ കീഴിലും നിതീഷിെന്‍റ നേതൃത്വത്തിലെ കഴിഞ്ഞ ബി.ജെ.പി-ജെ.ഡി.യു സഖ്യത്തിന് കീഴില്‍ പോലും മുസ്ലിംകള്‍ക്ക് ഉന്നത പദവികള്‍ ലഭിച്ചിരുന്നു. ലാലു പ്രസാദ് മുഖ്യമന്ത്രിയായിരിക്കെ ഗുലാം സര്‍വര്‍ സ്പീക്കറായിരുന്നു. ജബീര്‍ ഹുസൈന്‍ നിയമസഭ സമിതി ചെയര്‍പേഴ്‌സണുമായിരുന്നു.
2015ല്‍ ജെ.ഡി.യു, ആര്‍.ജെ.ഡി, കോണ്‍ഗ്രസ് സഖ്യത്തെ നിതീഷ് നയിച്ചപ്പോള്‍ അബ്ദുല്‍ ബാരി സിദ്ദീഖി ധനമന്ത്രിയായിരുന്നു. 2017ല്‍ നിതീഷ് എന്‍.ഡി.എയില്‍ തിരിച്ചെത്തിയ ശേഷം സിക്തയില്‍ നിന്നുള്ള ജെ.ഡി.യു നിയമസഭാംഗമായ ഖുര്‍ഷിദ് ഫിറോസും മന്ത്രിസഭയില്‍ ഉണ്ടായിരുന്നു. അതേസമയം, ‘ജയ് ശ്രീറാം’ വിളിക്കാനും കാവിയെ പുണരുന്നതിലും ഇദ്ദേഹം ഉത്സാഹിയാണ്.
മുമ്ബ് സുശീല്‍ കുമാര്‍ മോദിയെ മാറ്റി താര്‍ക്കിഷോര്‍ പ്രസാദ്, രേണു ദേവി എന്നിവരെ ഉപമുഖ്യമന്ത്രിമാരാക്കാനുള്ള ബി.ജെ.പി കേന്ദ്ര നേതൃത്വത്തിെന്‍റ തീരുമാനം നിതീഷിന് അംഗീകരിക്കേണ്ടി വന്നിട്ടുണ്ട്. അടല്‍ ബിഹാരി വാജ്‌പേയി-എല്‍.കെ. അദ്വാനി വിഭാഗത്തിെന്‍റ നേതാക്കളില്‍ ഒരാളായിരുന്നു സുശീല്‍. തര്‍ക്കിഷോര്‍ വര്‍ഗീയ രാഷ്ട്രീയത്തിെന്‍റ പ്രതിപുരുഷനാണ്. മുസ്ലിം ഭൂരിപക്ഷമുള്ള കതിഹാറില്‍ നിന്നുള്ള എം.എല്‍.എ കൂടിയാണ് ഇദ്ദേഹം.
വര്‍ഗീയത, കുറ്റകൃത്യം, അഴിമതി എന്നിവയുമായി യാതൊരു വിട്ടുവീഴ്ചയുമില്ലാത്ത നയമാണ് നിതീഷ് പ്രഖ്യാപിച്ചിരിക്കുന്നത്. ഇതൊരു തമാശയായി മാറുകയാണെന്ന് സാമൂഹിക സാമ്ബത്തിക ശാസ്ത്രജ്ഞനും എ.എന്‍. സിന്‍ഹ ഇന്‍സ്റ്റിറ്റ്യൂട്ട് ഓഫ് സോഷ്യല്‍ സയന്‍സസിലെ പ്രഫസറുമായ ഡി.എം. ദിവാകര്‍ പറഞ്ഞു.
മുസ്ലിംകളെ രണ്ടാംകിട പൗരന്‍മാരാക്കി മാറ്റാനും അവരെ ഭരണത്തില്‍നിന്ന് അകറ്റി നിര്‍ത്താനുമുള്ള ആര്‍.എസ്.എസിെന്‍റ കുതന്ത്രങ്ങളാണ് ഇവിടെ വിജയിക്കുന്നത്. ജെ.ഡി.യുവിനെ അമിത്ഷായും നരേന്ദ്ര മോദിയും സമഗ്രമായി കീഴടക്കിയിട്ടുണ്ടെന്ന് തെരഞ്ഞെടുപ്പ് ഫലങ്ങള്‍ തെളിയിക്കുകയാണെന്നും രാഷ്ട്രീയ നിരീക്ഷകര്‍ ചൂണ്ടിക്കാട്ടുന്നു.
