0
0
ചൊക്ലി (കണ്ണൂര്‍): തെരഞ്ഞെടുപ്പില്‍ എതിര്‍ പാര്‍ട്ടിയിലെ സ്ഥാനാര്‍ഥിയുടെ കെട്ടിവെച്ച കാശുവരെ നഷ്ടപ്പെടുന്നതില്‍ സന്തോഷിക്കുന്നവരാണ് രാഷ്ട്രീയക്കാര്‍. വോട്ടിനായുള്ള മത്സരവും വാദപ്രതിവാദങ്ങളും മാത്രം കണ്ടുശീലിച്ചവര്‍ക്ക് ചൊക്ലിയിലേക്ക് വരാം. ചൊക്ലി പഞ്ചായത്തില്‍ സി.പി.എം സ്ഥാനാര്‍ഥിക്ക് തെരഞ്ഞെടുപ്പില്‍ കെട്ടിവെക്കാനുള്ള പണം കൈമാറിയത്‌ മുസ്ലിം ലീഗ് നേതാവാണ്.
പതിനാറാം വാര്‍ഡ്‌ സ്ഥാനാര്‍ഥി പരത്തിന്‍റവിട നവാസിനാണ് തെരഞ്ഞെടുപ്പില്‍ കെട്ടിവെക്കാനുള്ള തുക മുസ്ലിം ലീഗ് ചൊക്ലി പഞ്ചായത്ത്‌ ട്രഷറര്‍ റെജിലാസ്‌ അബ്ദുല്ല കൈമാറിയത്‌.
കന്നി അംഗത്തിനിറങ്ങുന്ന നവാസിന് രാഷ്ട്രീയത്തിന് അപ്പുറമുള്ള സുഹൃദ് ബന്ധമാണ് അബ്ദുല്ലയുമായി. മത്സരിക്കുന്നുണ്ടെന്ന് അറിഞ്ഞപ്പോള്‍തന്നെ കെട്ടിവെക്കാനുള്ള പണം തെന്‍റ വകയാണെന്ന് അബ്ദുല്ല പറഞ്ഞു.
അദ്ദേഹത്തിെന്‍റ സ്വന്തം പാര്‍ട്ടിയിലുള്ളയാളാണ് നവാസിനെതിരെ മത്സരിക്കുന്നതെങ്കിലും സ്നേഹബന്ധത്തിനുമുന്നില്‍ അതൊന്നുമൊരു പ്രശ്നമായില്ല.
